Fjodor Otsep

in Wikipedia, die vrye ensiklopedie
Spring na: navigasie, soek
Fjodor Otsep
Naam Fjodor Aleksandrowitsj Otsep
Geboorte 9 Februarie 1895
Moskou
Nasionaliteit Rusland
Sterfte 20 Junie 1949
Ottawa, Kanada
Beroep(e) regisseur, draaiboekskrywer
Internet-rolprentdatabasis-profiel

Fjodor Aleksandrowitsj Otsep (Russies Фёдор Александрович Оцеп, wetenskaplike transliterasie Fёdor Aleksandrovič Ocep; * 9 Februarie 1895 in Moskou, Rusland; † 20 Junie 1949 in Ottawa, Kanada) was 'n Russiese regisseur en draaiboekskrywer.

Otsep het sy loopbaan in die rolprentbedryf nog in die tsaristiese Rusland as assistent van Jakof Protasanof begin en die draaiboeke vir meesterwerke van dié regisseur geskryf, waaronder Pique Dame (1916) en Aelita (1924). In 1926 het hy vir die eerste keer self die regie vir 'n rolprent behartig.

Otsep se werk is sterk deur Fsewolod Poedofkin se filmkuns beïnvloed. Albei regisseurs het hul films vir die rolprentateljee Mezjrabpom vervaardig.

In 1929 het Otsep in Duitsland die rolprent Der lebende Leichnam ("Die lewende lyk") vervaardig wat op die gelyknamige toneelstuk van Leo Tolstoi gebaseer is. Die regisseur het daarna nie meer na die Sowjetunie teruggekeer nie. 1931 het Otsep hom in Frankryk gevestig en ná die uitbreek van die Tweede Wêreldoorlog na die Verenigde State en Kanada gevlug.

Rolprente[wysig]

  • 1929 Der lebende Leichnam
  • 1931 Der Mörder Dimitri Karamasoff
  • 1934 Amok
  • 1937 Pique Dame
  • 1938 Gibraltar
  • 1947 Whispering City