9 Februarie

9 Februarie is die 40ste dag van die jaar in die Gregoriaanse kalender. Daar volg nog 325 dae in die res van die jaar (326 in skrikkeljare).

Gebeure

• 474 – Omdat die sewejarige Leo II as te jonk beskou om te regeer word sy vader Zenon gekroon as mede-keiser van die Bisantynse Ryk.
• 772 – Pous Adrianus I volg Pous Stefanus III op.
• 881 – Pous Johannes VIII kroon Karel die Dikke tot keiser van die Heilige Romeinse Ryk.
• 1592 – Pous Clemens VIII word gekroon in die Sistynse Kapel.
• 1621 – Pous Gregorius XV volg Pous Paulus V op as pous van die Rooms Katolieke Kerk.
• 1849 – Rome word ’n republiek.
• 1895 – Vlugbal word by ’n YMCA in Holyoke, Massachusetts uitgevind.
• 1930 – Eugenio Pacelli (later Pous Pius XII) word kardinaal-staatsekretaris.
• 1943 – Tweede Wêreldoorlog: die Slag van Guadalcanal in die Solomoneilande eindig, wat aan die Geallieerde magte ’n sleuteloorwinning in die Stille Oseaanoorlog oor die Japannese vloot verskaf.
• 1950 – Rooigevaar: Senator Joseph McCarthy beskuldig die State Department van die VSA daarvan dat dit vol kommuniste is.

Geboortes

• 1895 – Fjodor Otsep, Russiese draaiboekskrywer en regisseur († 1949).
• 1932 – Daan Bekker, Suid-Afrikaanse bokser († 2009).
• 1937 – Abraham H. de Vries, Afrikaanse skrywer.
• 1940 – J.M. Coetzee; Suid-Afrikaanse skrywer en ontvanger van die Nobelprys vir Letterkunde (2003).

Sterftes

• 1881 – Fjodor Dostojefski, Russiese skrywer (* 1821).
• 1941 – John Daniel Kestell, Suid-Afrikaanse Bybelvertaler, skrywer en kultuurleier (* 1854).
• 1963 – Abdul Karim Kassem, Irakkese militaris en politikus (* 1914).
• 1984 – Joeri Andropof, Sowjetpolitikus (* 1914).