Grieks-Ortodokse Kerk van Antiochië

’n Grieks-Ortodokse kerk in Hama, Sirië.

Die Grieks-Ortodokse Kerk van Antiochië (Grieks: Πατριαρχεῖον Ἀντιοχείας, Patriarcheîon Antiocheías; Arabies: بطريركية أنطاكية وسائر المشرق للروم الأرثوذكس), ook bekend as die Grieks-Ortodokse Patriargaat van Antiochië en die Hele Ooste, is ’n onafhanklike Oosters-Ortodokse Kerk wat in volle gemeenskap met die ander Oosters-Ortodokse kerke is. Die primaat van die kerk het die titel Patriarg van Antiochië en die Hele Ooste.

Die Kerk beskou homself as die opvolger van die Christelike gemeenskap in Antiochië wat deur die apostel Petrus gestig is. Dit is een van verskeie kerke wat daarop aanspraak maak dat dit die amptelike kerk van die antieke bisdom van Petrus en Paulus is. Die ander is die Siries-Ortodokse Kerk van Antiochië (Oriëntaal-Ortodoks), asook die Siries-Katolieke Kerk, die Maronitiese Kerk en die Melkities-Grieks-Katolieke Kerk. Laasgenoemde drie kerke is almal Oosters-Katolieke kerke, maar hulle erken mekaar se patriargate.

Die setel van die Ortodokse Kerk was voorheen Antiochië (nou in Turkye), maar is in die 14de eeu na Damaskus in die hedendaagse Sirië geskuif. Die Kerk se tradisionele gebied sluit in Sirië, Libanon, Iran, Irak, Koeweit en dele van Turkye. Die Kerk van Siprus het ook voorheen onder die Kerk geval, totdat dit in 431 onafhanklik geword het.

Eksterne skakels

• Patriargaat van Antiochië
• Ortodokse Jeugbeweging
• Kerk van Antiochië (OrthodoxWiki)

Oosters-Ortodokse Kerke in gemeenskap

Ekumeniese Patriargaat van Konstantinopel • Grieks-Ortodokse Kerk van Alexandrië • Grieks-Ortodokse Kerk van Antiochië • Grieks-Ortodokse Patriargaat van Jerusalem • Russies-Ortodokse Kerk • Georgies-Ortodokse en Apostoliese Kerk • Serwies-Ortodokse Kerk • Roemeens-Ortodokse Kerk • Bulgaars-Ortodokse Kerk • Kerk van Siprus • Kerk van Griekeland • Pools-Ortodokse Kerk • Ortodokse Onafhanklike Kerk van Albanië • Ortodokse Kerk van Tsjeggië en Slowakye • (Ortodokse Kerk in Amerika)