Groototter
| Groototter | ||||||||||||||||
|---|---|---|---|---|---|---|---|---|---|---|---|---|---|---|---|---|
 Standbeeld van 'n groototter in Kirstenbosch.
|
||||||||||||||||
| Bewaringstatus | ||||||||||||||||
| Wetenskaplike klassifikasie | ||||||||||||||||
|
||||||||||||||||
| Binomiale naam | ||||||||||||||||
| Aonyx capensis (Schinz, 1821) |
||||||||||||||||
 Verspreiding
|
Die groototter (Aonyx capensis) is 'n otterspesie wat slegs in Afrika voorkom, van die weste (Senegal) tot die ooste (Ethiopië) en die suide (Suid-Afrika). Die groototter is die tweede grootste varswater otterspesie en word naby permanente strome, kuile en ander waterliggame in grasvlaktes en beboste laeveldareas gevind.
Groototters het gedeeltelik gewebde en kloulose voete. 'n Volwasse groototter het 'n gemiddelde massa van 10 kg en 'n gemiddelde lengte van 135 cm.
Die groototter se dieet bestaan hoofsaaklik uit krappe, vis, paddas, voëls en voëleiers. Die diere sal in die water duik om waterlewende prooi te vang en dan terug na die oewer swem om daar te eet. Hulle het sensitiewe snorbaarde, wat help om die bewegings van potensiële prooi in die water te bespeur.
Die wyfie is vir nege weke dragtig, waarna sy geboorte skenk aan twee tot vyf kleintjies. 'n Groototter het 'n moontlike lewensduur van 16 jaar.
[wysig] Sien ook
- Lys van Suider-Afrikaanse soogdiere
- Lys van Suider-Afrikaanse soogdiere volgens wetenskaplike name
- Suider-Afrikaanse soogdiere en hul ordes
[wysig] Bronnelys
- ^ Hoffmann, M. (2008). Aonyx capensis. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 13 May 2009.
- Hussain, S.A. & Reuther, C. (2004): Aonyx capensis by die IUCN se Red List vir bedreigde spesies.
- Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
