Nylrivier
| Nylrivier | |
|---|---|
 |
|
| Oorsprong | Wit Nyl (Burundi) Blou Nyl (Ethiopië) |
| Monding | Nyldelta, Egipte Middellandse See |
| Gebied waardeur dit vloei | Kongo (Demokratiese Republiek), Tanzanië, Burundi, Rwanda, Uganda, Kenia, Suid-Soedan, Ethiopië, Soedan, Eritrea, Egipte |
| Lengte | 6 671 km |
| Oorsprong hoogte | 2 700 |
| Monding-hoogte | 0 m |
| Gemiddelde afloop | 2 830 m³/s |
| Stroomgebiedoppervlakte | 3 254 853 km² |
Die Nylrivier is 'n groot noord-vloeiende rivier in Afrika. Die rivier, met 'n lengte van 6 650 km (4 132 myl), word algemeen beskou as die langste rivier in die wêreld.[1]
Inhoud |
[wysig] Bron van die Nyl
Die bron van die Nyl was vir 'n lang tyd onbekend. In die 19de eeu word die Victoriameer vir die eerste keer deur John Hanning Speke as die bron geïdentifiseer. Maar na verdere ondersoek is gevind dat die kleiner Tanameer verantwoordelik is vir meer as 80% van die water wat deur die Nyl vloei. Voor die tyd het verskeie ontdekkingstogte gepoog om die bron te vind, onder wie David Livingstone. Sedert 2005 word egter aangeneem dat die bron in die Nasionale Park, Nyungwe Forest, in Rwanda lê en via die Rukarara- en Akagera-riviere na die Victoriameer loop. Die nuwe data maak die rivier 107 km langer as voorheen geskat.
[wysig] Vloei van die Nyl
Die Nylrivier ontspring as die Blou Nyl in Ethiopië in die Tanameer, en as die Wit Nyl in die Victoriameer. Die meer is tussen die drie lande Uganda, Kenia en Tanzanië geleë. Die Wit Nyl vloei dan van hier via Soedan, waar die twee takke in die hoofstad Khartoem bymekaarkom. Daarna vloei die rivier deur Egipte in die noorde, om ten slotte in 'n ruim delta in die Middellandse See uit te mond.
Die Nylrivier vloei deur die volgende lande: Burundi, Demokratiese Republiek van die Kongo, Egipte, Eritrea, Ethiopië, Kenia, Rwanda, Soedan, Suid-Soedan, Tanzanië en Uganda, asook deur die volgende stede: Jinja, Joeba, Khartoem en Kaïro.
[wysig] Sien ook
[wysig] Eksterne skakels
[wysig] Verwysings
- ^ Rivier op Encarta (Besoek op 3 Oktober 2006). Geargiveer 2009-11-01.
