Odusseus

in Wikipedia, die vrye ensiklopedie
Spring na: navigasie, soek
Die kop van Odusseus van ’n Griekse marmergroep.

Odusseus (Grieks: Ὀδυσσεύς) was in die Griekse mitologie die legendariese koning van Ithaca en die hoofkarakter in Homerus se epiese gedig die Odussee. Hy was ook ’n belangrike karakter in Homerus se Ilias en die werke van die Epiese Siklus.

Odusseus is veral bekend vir sy tien jaar lange reis huiswaarts ná die val van Troje, nadat hy tien jaar lank in die Trojaanse Oorlog geveg het. In sy afwesigheid is aangeneem dat hy dood is, en sy vrou, Penelope, moes in dié tyd hard probeer om ’n klomp vryers aan ’n lyntjie te hou wat graag met sy "weduwee" wou trou.