Patriarg Joachim van Moskou

Patriarg Joachim

Joachim (Russies: Иоаким, Ioakim; 1620 – 17 Maart 1690) was die negende Russies-Ortodokse patriarg van Moskou en die hele Rusland. Hy was ’n teenstander van die skeuring in die Russies-Ortodokse Kerk en ’n stigter van die Slawies-Grieks-Latynse Akademie.

Hy is gebore as Iwan Petrowitsj Sawelof (Иван Петрович Савелов) en was van adellike afkoms. Nadat sy gesin in 1654 in ’n epidemie dood is, het hy ’n monnik geword.

In 1664 het Joachim die ab van die Tsjoedof-klooster in die Moskouse Kremlin geword en in 1672 aartsbiskop van Weliki Nowgorod. Hy is op 26 Julie 1674 tot patriarg verkies ná die dood van patriarg Pitirim. Hoewel Joachim deelgeneem het aan die afsetting van patriarg Nikon, het hy Nikon se beleidsrigtings jeens die Ougelowiges voortgesit.

Eksterne skakels

• Die Testament van patriarg Joachim
• (ru) Патриарх Московский и всея Руси Иоаким (Савелов)

Russies-Ortodokse patriarge van Moskou en die hele Rusland
1589 - 1721  St. Job • Ignatius (nie erken deur die Russies-Ortodokse Kerk) • St. Hermogenes • Filaret • Joasaf I • Josef • Nikon • Pitirim (locum tenens) • Joasaf II • Pitirim • Joachim • Adriaan • Stefan Jaworski (locum tenens)  1721 - 1917  Heiligste Regerende Sinode  1917 - hede  St. Tichon • Pieter van Kroetitsi (locum tenens) • Sergius • Aleksi I • Pimen • Aleksi II • Kirill