Saarland

Saarland

Landsvlag	Landswapen
(Besonderhede)	(Besonderhede)
Basiese gegewens
Ampstaal:	Duits
Hoofstad:	Saarbrücken
Stigting:	1 Januarie 1957 (Duitse deelstaat)
Oppervlakte:	2 568,7 km² (13de)
Bevolking:	1 018 000 (15de) (30 November 2010)
Bevolkingsdigtheid:	400 inwoners / km² (5de)
Volkslied (Landeshymne):	geen
Skuldlas per inwoner:	10 511 € (31 Desember 2009)
Totale skuldlas:	10,7 miljard € (31 Desember 2009)
Werkloosheidsyfer:	6,6 % (Mei 2010)
ISO 3166-2:	DE-SL
Amptelike webwerf:	www.saarland.de
Politiek
Eerste minister:	Annegret Kramp-Karrenbauer (CDU)
Regerende partye:	CDU-minderheidsregering (nuwe verkiesing in 2012)
Setels in die parlement (Landtag) (51 setels) (2004: 101 setels):	CDU 19 (2004: 27) SPD 13 (18) Die Linke 11 (0) FDP/DPS 5 (3) Bündnis 90/Die Grünen 3 (3)
Laaste verkiesing:	30 Augustus 2009
Volgende verkiesing:	2017
Parlamentêre verteenwoordiging
Stemme in die Federale Raad (Bundesrat):	3
Kaart

Vlag van die Saarland, 1947 tot 1956

Saarland is 'n deelstaat in die suidweste van Duitsland. Dit grens aan die deelstaat Rynland-Palts asook aan Frankryk en Luxemburg. Saarland vorm saam met die Franse administratiewe gewes Lotaringe (Frans: Lorraine), die Groothertogdom Luxemburg, die Duitse deelstaat Rynland-Palts en die Belgiese gewes Wallonië die Europese Saar-Lor-Lux-gebied.

Saarland is in 1920 volgens die Verdrag van Versailles as 'n politieke entiteit gestig en amptelik Saarbekkengebied (Duits: Saarbeckengebiet, in die volkstaal meestal Saargebiet) genoem. Die destydse gebied was ietwat kleiner as die huidige deelstaat, aangesien die noordelikse grens verder suidwaarts geleë was. Nadat die gebied vyftien jaar lank deur die Volkebond beheer is, is dit in 1935 ná 'n referendum weer by die Duitse Ryk ingesluit.

Saarland was ná die Tweede Wêreldoorlog tot by die jaar 1949 'n Franse protektoraat, vervolgens 'n outonome gebied en het op 1 Januarie 1957 by die Federale Republiek van Duitsland aangesluit.