Vryheidsbeeld
vanuit Wikipedia, die vrye ensiklopedie.
Die indrukwekkende Vryheidstandbeeld (Statue of Liberty), wat oor Liberty Island in die New Yorkse hawe troon, is in 1884 deur Frankryk aan Amerika geskenk om die eeufees van die Amerikaanse onafhanklikheidsverklaring (1776) te gedenk.
Die beeld is 46 meter hoog en sy neus is 1,4 meter lank (min of meer so lank soos ’n kind van tien jaar oud).
Die Vryheidstandbeeld is ontwerp deur Gustave Eiffel (van Eiffeltoring-faam), in Parys gebou deur die Franse beeldhouer Auguste Bartholdi en in New York weer aanmekaargesit. Die amptelike naam van die beeld is Liberty Enlightening the World.
Dit is ’n hol koperbeeld wat gesteun word deur ’n sentrale toring van ystersuile met ’n geraamte van dwarsbalke. ’n Kronkeltrap loop van die voetstuk na die kroon en nog een na die fakkel.
In "Liberty" se regterhand is die vryheidsfakkel; in haar linkerhand ’n gedenkplaat met die inskripsie "July 4 1776". Gebreekte kettings lê aan haar voete.
