Vryheidstandbeeld

in Wikipedia, die vrye ensiklopedie
Spring na: navigasie, soek
Vryheidstandbeeld*
Unesco-wêrelderfenisgebied

Statue of Liberty frontal 2.jpg
Die Vryheidstandbeeld op Liberty Island, New York, VSA.
Ligging van Vryheidstandbeeld op 'n kaart (Verenigde State)
Vryheidstandbeeld
Vryheidstandbeeld
Koördinate: 40°41′21″N 74°02′40″W
Lande Vlag van Verenigde State Verenigde State
Tipe Kultureel
Kriteria i, vi
Verwysings 307
Streek Noord-Amerika
Inskripsiegeskiedenis
Inskripsie 1984  (8ste Sessie)
* Naam soos dit in die Wêrelderfenislys verskyn.
Streek soos deur Unesco geklassifiseer.

Die indrukwekkende Vryheidstandbeeld (Statue of Liberty), wat oor Liberty Island in die New Yorkse hawe troon, is in 1884 deur Frankryk aan Amerika geskenk om die eeufees van die Amerikaanse onafhanklikheidsverklaring (1776) te gedenk.

Die beeld is 46 meter hoog en sy neus is 1,4 meter lank (min of meer so lank soos ’n tienjarige kind).

Die Vryheidstandbeeld is ontwerp deur Gustave Eiffel (van Eiffeltoring-faam), in Parys gebou deur die Franse beeldhouer Auguste Bartholdi en in New York weer aanmekaargesit. Die amptelike naam van die beeld is Liberty Enlightening the World.

Dit is ’n hol koperbeeld wat gesteun word deur ’n sentrale toring van ystersuile met ’n geraamte van dwarsbalke. ’n Kronkeltrap loop van die voetstuk na die kroon en nog een na die fakkel.

Die beeld is van 'n vroulike figuur wat Libertas, die Romeinse godin van vryheid, verteenwordig. In die beeld se regterhand is die vryheidsfakkel; in haar linkerhand ’n gedenkplaat met die inskripsie "July 4 1776", die datum van die Verenigde State se Onafhanklikheidsdag. Gebreekte kettings lê aan haar voete.