Walter Battiss

in Wikipedia, die vrye ensiklopedie
Spring na: navigasie, soek
Walter Battiss
Geboorte naam Walter Whall Battiss
Geboorte 6 Januarie 1906
Somerset-Oos
Sterfte 20 Augustus 1982 (op 76)
Port Shepstone
Nasionaliteit Suid-Afrika
Beroep Kunsskilder en skrywer
Huweliksmaat Grace Anderson
Webblad Walter Battiss
Die ou offisiersmenasie in Pauletstraat huisves die Walter Battiss-kunsmuseum, waar die grootste versameling van sy skilderye tentoongestel word.
Binnekant van die Walter Battiss-kunsmuseum.

Walter Battiss (1906 - 1982) was 'n Suid-Afrikaanse kunstenaar en deskundige op die gebied van Boesmanskilderye. Hy word as een van Suid-Afrika se eerste en belangrikste abstrakte skilders beskou. Van sy werk kan in die Walter Battiss-kunsmuseum in Somerset-Oos besigtig word.

Beknopte biografie[wysig]

Walter Whall Battiss is op 6 Januarie 1906 op Somerset-Oos in die Kaapland gebore. In 1917 trek hy saam met sy gesin na Koffiefontein in die Vrystaat, waar hy 'n belangstelling in argeologie en primitiewe kuns ontwikkel. In 1919 trek hulle na Fauresmith, waar hy in 1923 matrikuleer.

Battiss word in 1924 as 'n klerk by Rustenburg se landdroskantoor aangestel. Hy begin sy kunsstudies in 1929 aan die Witwatersrand Tegniese Kollege (teken en skilder), gevolg deur die Johannesburgse Opleidingskollege (onderwysdiploma) en neem ook ets-klasse. Battiss sit sy studies as klerk van die landdros voort, en behaal 'n op 35-jarige ouderdom 'n BA-graad in Beeldende Kunste van die Universiteit van Suid-Afrika.

Hy ontwikkel 'n sterk persoonlike styl en tree tot die onderwys toe. Onder die werke wat hom bekend gemaak het, is sy uitgebreide ondersoek en kritiese analise van Boesmankuns, waaroor hy verskeie boeke geskryf het.

In 1981 skenk hy al sy werke aan die pas geopende Walter Battiss-kunsmuseum op sy geboortedorp, Somerset-Oos.

Hy is op 20 Augustus 1982 op 76-jarige ouderdom in Port Shepstone aan 'n hartaanval oorlede.

Sien ook[wysig]

Bronne[wysig]

Eksterne skakels[wysig]