Koffiefontein

Koffiefontein
Koffiefontein
Koördinate: 29°24′29″S 25°0′8″O
Land	Suid-Afrika
Provinsie	Vrystaat
Distriksmunisipaliteit	Xhariep
Plaaslike Munisipaliteit	Letsemeng
Tydsone	SAST (UTC+2)

Koffiefontein is 'n klein dorp in die suid-weste van die Vrystaat, in Suid-Afrika.

Geskiedenis

Die dorp het ontstaan omrede dit 'n gewilde uitspanning plek was vir togryers. Hul gewoontes om hier gereeld koffie te maak het glo tot die naam Koffiefontein aanleiding gegee. In Junie 1870 het een van die togryers 'n diamant naby die fontein opgetel. Dit het tot 'n diamant stormloop aanleiding gegee. Teen 1882 was Koffiefontein 'n vooruitstrewende dorp met vier myn maatskappye. Tien jaar later is die mynkampe tot dorpsgebeid verklaar en die naam Koffiefontein behou. Die mynbou bedrywighede is 'n paar keer opgeskort gedurende die 20ste eeu; die laaste keer in 1980.

Omgewing

Skaapsboerdery is die belangrikste ekonomiese aktiwiteit in die distrik van 1 900km² wat in 1963 geproklameer is. Die Kalkfonteindam is 20km suidoos van die dorp.

Tweede Wêreldoorlog

Tydens die Tweede Wêreldoorlog is Koffiefontein as 'n krygsgevange kamp vir ongeveer 2000 Italianers gebruik. Een van hulle, Facio, het portrette van koning Victor Emmanuel II en Benito Mussolini op die mure van sy sel gesklider. Agthonderd Suid-Afrikaners wat verdink was van pro-Nazi bedrywighede is ook gedurende die Tweede Wêreldoorlog hier aangehou. Een van hulle was John Vorster wat later premier (1966) en president (1979) van Suid-Afrika sou word.

Bekende inwoner(s)

Etienne Leroux, een van Suid-Afrika se bekendste romanskrywers het hier naby op sy plaas Ja-Nee gebly. Sy plaas is 10km noord van Koffiefontein