Xochicalco
- Hierdie artikel handel oor die argeologiese terrein. Moenie verwar word met Xochimilco nie.
| Argeologiese Monumentterrein van Xochicalco* | |
|---|---|
| Unesco-wêrelderfenisterrein | |
| |
| Piramide E en stele van die twee gliewe | |
  Xochicalco |
|
| Koördinate: 18°48′14″N 99°17′45″W / 18.80389°N 99.29583°WKoördinate: 18°48′14″N 99°17′45″W / 18.80389°N 99.29583°W | |
| Lande |  Meksiko
|
| Tipe | Kultuur |
| Kriteria | iii, iv |
| Verwysings | 939 |
| Streek† | Noord-Amerika |
| Inskripsiegeskiedenis | |
| Inskripsie | 1999 (23ste Sessie) |
| * Naam soos dit in die Wêrelderfenislys verskyn. † Streek soos deur Unesco geklassifiseer. | |
Xochicalco (Nahuatl: [ʃot͡ʃiˈkaɬko], , letterlik: "in die huis van die blomme") is 'n voor-Colombiaanse argeologiese terrein in die deelstaat Morelos sowat 122 km suidwes van die hoofstad Meksikostad in die suide van Meksiko. Tot vandag toe praat die inwoners van die nabygeleë dorpie Cuentepec Nahuatl.
Die argitektuur van Xochicalco toon verwantskappe met Teotihuacán, die Maja-gebied en die Matlatzinca-kultuur in die Toluca-vallei.[1] Die hoogtepunt van Xochicalco het gekom ná die val van Teotihuacán en volgens bewerings het Xochicalco 'n rol gespeel by die val van die Teotihuacán-ryk.
Die seremoniële hoofsentrum is op 'n kunsmatig afgeplatte heuwel geleë, met oorblyfsels van residensiële strukture, meestal nie-uitgegrawe, op die lang terrasse langs die hange.[2] Die plek is vir die eerste keer omstreeks 200 v.C. bewoon, maar het nie voor die Epiklassieke tydperk (700–900 n.C.) tot 'n stedelike sentrum ontwikkel nie. Byna al die bestaande argitektuur op die terrein is gebou in hierdie tydperk. Op sy hoogtepunt het die stad vermoedelik 'n bevolking van sowat 20 000 gehad, waarvan baie van hulle in produserende handwerk en langafstand-handel betrokke was.[3]
In die laat 16de eeu is deur Bernardino de Sahagún vir die eerste keer ná die ruïnes van Xochicalco verwys en in die laat 17de eeu het die universaalgeleerde José Antonio Alzate y Ramírez 'n beskrywing uit eie navorsings gepubliseer. In 1810 het Alexander von Humboldt illustrasies en 'n beskrywing van Xochicalco gepubliseer. Ook die Meksikaanse keiser Maksimiliaan I het die ruïnes tydens sy heerskap (1864–1867) besoek.
Die Argeologiese Monumentterrein van Xochicalco is in 1999 deur Unesco as wêrelderfenisgebied gelys. Op 30 Maart 2015 is die argeologiese terrein by die Internasionale Register van Kulturele Eiendom onder spesiale beskerming van die Haagse Konvensie oor die Beskerming van Kulturele Eiendom tydens Gewapende Konflikte gelys.[4]
Galery[wysig | wysig bron]
-
Vestingmuur met 'n hek -
Akropolis van Xochicalco -
Oostelike Plein -
Binne die Observatorium
Verwysings[wysig | wysig bron]
- ↑ (en) Snow, Dean R. (2010). Archaeology of Native North America. New York: Prentice Hall. p. 157.
- ↑ (es) "INAH – Nasionale Instituut van Antropologie en Geskiedenis van Mexiko". INAH. Geargiveer vanaf die oorspronklike op 25 Mei 2008. Besoek op 19 November 2008.
- ↑ (en) Snow, Dean (2010). Archaeology of Native North America. Upper Saddle River: Prentice Hall. p. 157.
- ↑ "International Register of Cultural Property under Special Protection" (PDF) (in Engels). Unesco. 23 Julie 2015. Geargiveer (PDF) vanaf die oorspronklike op 11 Mei 2017. Besoek op 6 Oktober 2018.
Verdere leesstof[wysig | wysig bron]
- (en) González Crespo, Norberto, Silvia Garza Tarazona, Hortensia de Vega Nova, Pablo Mayer Guala en Giselle Canto Aguilar (1995). Archaeological Investigations at Xochicalco, Morelos: 1984 and 1986. pp. 6:223–236.
{{cite book}}:|work=ignored (hulp)AS1-onderhoud: meer as een naam (link)
Eksterne skakels[wysig | wysig bron]
Wikimedia Commons het meer media in die kategorie Xochicalco.- (en) "Xochicalco". Encyclopædia Britannica. Besoek op 6 Oktober 2018.
Wêrelderfenisgebiede in Meksiko volgens streke | ||
|---|---|---|
| Noordwes | Argeologiese Sone van Paquimé, Casas Grandes • Eilande en beskermde gebiede in die Golf van Kalifornië1 • El Pinacate y Gran Desierto de Altar Biosfeerreservaat • Rotstekeninge van Sierra de San Francisco • Walvisreservaat van El Vizcaino |   |
| Noordsentraal | Beskermde stad van San Miguel en die Reservaat van Jesús Nazareno de Atotonilco • Camino Real de Tierra Adentro • Fransiskaanse Missies in die Sierra Gorda van Querétaro • Historiese Monumentesone van Querétaro • Historiese Sentrum van Zacatecas • Historiese stad van Guanajuato en aangrensende myne | |
| Wes | Agave-landskap en antieke industriële fasiliteite van Tequila • Eilande en beskermde gebiede in die Golf van Kalifornië1 • Historiese sentrum van Morelia • Hospicio Cabañas, Guadalajara • Monargvlinder-biosfeerreservaat1 • Revillagigedo-eilande | |
| Oos | Historiese Monumentesone van Tlacotalpan • Historiese sentrum van Puebla • Vroegste 16de eeu kloosters op die hange van Popocatépetl1 • Voor-Spaanse stad van El Tajín | |
| Suidwes | Historiese sentrum van Oaxaca en argeologiese plek van Monte Albán • Voor-Spaanse stad en Nasionale Park van Palenque • Prehistoriese grotte van Yagul en Mitla in die Sentrale Vallei van Oaxaca | |
| Suidsentraal | Akwaduk van Padre Tembleque hidrouliese stelsel • Argeologiese Monumentesone van Xochicalco • Camino Real de Tierra Adentro • Historiese sentrums van Meksikostad en Xochimilco • Luis Barragán se huis en studio • Monargvlinder-biosfeerreservaat1 • Sentrale Universiteitskampus van die UNAM • Tehuacán-Cuicatlán-biosfeerreservaat • Vroegste 16de eeu kloosters op die hange van Popocatépetl1 • Voor-Spaanse stad van Teotihuacán | |
| Suidoos | Antieke Maya-stad van Calakmul, Campeche • Historiese versterkte stad van Campeche • Voor-Spaanse stad van Chichén Itzá • Sian Ka'an • Voor-Spaanse stad van Uxmal | |
1 Gedeel met meer as een streek | ||