Grootbek-geelvis
| Grootbek-geelvis | |
|---|---|
| |
| Hierdie is 'n foto van die amptelike Suid-Afrikaanse Grootbek-geelvis (Labeobarbus kimberleyensis) ope rekord van 22.2 Kg, wat gevang is deur Mev. Ina du Plessis (regs) in Vaaldam | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | L. kimberleyensis
|
| Binomiale naam | |
| Labeobarbus kimberleyensis (Gilchrist & W. W. Thompson, 1913)
| |
| Sinonieme | |
|
Barbus kimberleyensis Gilchrist & Thompson, 1913 | |
Die grootbek-geelvis (Labeobarbus kimberleyensis) is 'n varswatervis wat voorkom in die Oranje- en Vaalrivier-stelsels in Suid-Afrika. In Engels staan die vis bekend as die largemouth yellowfish.
Voorkoms
Die vis is lank en silwerkleurig wanneer dit jonk is en word olyfkleurig soos hy verouder. Die vis kan tot 80 cm lank word en weeg dan 22 kg. Dit het 'n groot bek met twee paar baarde onderaan. Die wyfie word groter en leef langer as die mannetjie. Dit is die grootste van die inheemse geskubde visse in Suid-Afrika. Die Suid-Afrikaanse hengel rekord is 22.2 kg.
Habitat
Die vis leef in die Oranje- en Vaalrivier opvanggebied, is 'n roofvis en eet klein vissies, insekte en skulpvis. Die vis groei stadig en die mannetjie bereik volwassenheid wanneer hy ses jaar oud word en die wyfie eers op agt jaar. Die wyfie lê haar eiers gedurende die somer op gruisbeddings in vinnig vloeiende riviere. Die larwes broei uit na 2-3 en begin vreet na 3 -4 dae. Hulle is 100 mm lank na twee jaar en 300 mm na vyf jaar.
Sien ook
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bronne
- First Field Guide to Fishes of Southern Africa. Rudy van der Elst. 1999. ISBN 978-1-86872-288-4
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
