Airopus was nog ’n baba toe sy pa oorlede is. Die Illiriërs sou die geleentheid aangegryp het om met ’n groot leër teen Masedonië op te ruk. Toe hulle die oorhand kry, het die Masedoniërs dit aan die afwesigheid van hul koning gewyt en glo die wiegie met die klein Airopos na die slagveld geneem. Die Illiriërs het egter steeds veld gewen, en dit was net voordat die jong Masedoniese koning in hulle hande sou val dat die Masedoniërs hulle eindelik afgeweer en verdryf het.
