Arhat

in Wikipedia, die vrye ensiklopedie
Spring na: navigasie, soek
Arhat
Die standbeeld van ’n sittende arhat (Britse Museum).
Die standbeeld van ’n sittende arhat (Britse Museum).
Vertalings
Sanskrit अर्हत्
Pali arahant
Bengaals অর্হৎ (ôrhôt)
Singalees රහත්
Tibettaans dgra bcom pa
Thai อรหันต์
Viëtnamees a-la-hán
Tradisionele Sjinees 阿羅漢, 羅漢
(āluóhàn, luóhàn)
Vereenvoudigde Sjinees 阿罗汉, 罗汉
Japannees 阿羅漢, 羅漢
(arakan, rakan)
Koreaans 아라한, 나한
(arahan, nahan)

’n Arhat (Sanskrit, Pali: arahant, "iemand wat agtenswaardig is")[1] is in Theravada-Boeddhisme ’n "perfekte mens"[2] wat nirwana bereik het.[1][2] In ander Boeddhistiese tradisies word die term ook gebruik vir iemand wat op die pad van Verligting gevorder het, maar nog nie volle Boeddhaskap bereik het nie.[3]

Die begrip van die konsep het deur die eeue verander en verskil van skool tot skool en van streek tot streek. In die vroeë Boeddhisteskole was daar ’n verskeidenheid maniere om ’n arhat te word.

Mahayana-Boeddhiste word aangespoor om ’n bodhisattva te word en nie terug te keer na die vlak van ’n arhat nie.[4]

In Mahayana-Boeddhisme is ’n groep van Agttien Arhats, met name en persoonlikhede, beskou as wagtend op die terugkeer van die Boeddha as Maitreya, en ander groepe van 6, 8, 16, 100 en 500 arhats word ook in die tradisie en Boeddhistiese kuns aangetref, veral in Oos-Asië.[3] Hulle kan beskou word as die Boeddhistiese weergawe van die Christelike heiliges of apostels.[3]

Verwysings[wysig | wysig bron]

  1. 1,0 1,1 Encyclopedia Britannica, Arhat (Buddhism)
  2. 2,0 2,1 Warder, A.K. (2000), Indian Buddhism, Delhi: Motilal Banarsidass Publishers
  3. 3,0 3,1 3,2 Rhie, Marylin; Thurman, Robert (1991), Wisdom And Compassion: The Sacred Art of Tibet, New York: Harry N. Abrams, ISBN 0810925265
  4. Williams, Paul. Buddhism. Vol. 3. The origins and nature of Mahāyāna Buddhism. Routledge. 2004

Eksterne skakels[wysig | wysig bron]