Maitreya

in Wikipedia, die vrye ensiklopedie
Jump to navigation Jump to search
Maitreya
Maitreya van Gandhara, 2de eeu.
Maitreya van Gandhara, 2de eeu.
Ander name  Metteyya, Ajita
Loopbaan
Titel Die Boeddha van die toekoms
Voorganger  Gautama Boeddha


Vertalings
Sanskrit मैत्रेय (Maitreya)
Pali Metteyya
Singalees මෛත්රී බුදුන් (Maitri Budun)
Tamil மைத்திரேயர்
Tibettaans བྱམས་པ་
Birmaans Arimeiteiya
Thai พระศรีอริยเมตไตรย (Phra Si Araya Mettrai)
Viëtnamees Di-lặc (bồ-tát)
Tradisionele Sjinees 彌勒菩薩 (Mílè Púsa)
Vereenvoudigde Sjinees 弥勒菩萨
Pinyin Mílè Púsa
Mongools Майдар, Асралт
(Mayidari, Asaraltu)
Japannees 弥勒菩薩 (Miroku Bosatsu)
Koreaans 미륵보살 (Mireuk Bosal)

Maitreya (Sanskrit) of Metteyya (Pali) word beskou as ’n toekomstige Boeddha. In sommige tekste word hy Ajita genoem.

Volgens die Boeddhistiese tradisie is Maitreya ’n bodhisattva wat in die toekoms op aarde sal verskyn, volkome verligting sal bereik en die ware dharma sal predik. Hy sal die huidige Boeddha, Gautama Boeddha, vervang.[1][2] Die voorspelling van die koms van Mitreya verwys na ’n tyd in die toekoms wanneer die meeste mense op aarde die dharma sal vergeet het.

Bronne[wysig | wysig bron]

Die naam Maitreya is afgelei van die Sanskrit-woord maitrī, "liefde-goedheid", wat weer afgelei is van die selfstandige naamwoord mitra, "vriend". Die Pali-vorm, Metteyya, word in die Pali-kanon en in die Boeddhavamsa gebruik.[1][2]

In die Grieks-Boeddhistiese kuns van Gandhara, in die eerste eeue n.C. in Noord-Indië, was Maitreya en Gautama Boeddha (ook Shakyamuni genoem) die gewildste figure wat uitgebeeld is. In die 4de tot 6de eeu in Sjina is die name Shakyamuni en Maitreya afwisselend gebruik, wat daarop dui dat die onderskeid tussen die twee Boeddhas nog nie getref is nie.[3]

Volgens die Theravada-Boeddhistiese tradisie is Maitreya die laaste van die 29 Boeddhas wie se naam bekend is en die laaste van die vyf Boeddhas van die huidige kalpa.[4]

Die huidige kalpa word die bhadrakalpa ("Gunstige Eon") genoem. Die vyf Boeddhas van dié eon is:[5][6]

  1. Kakusandha
  2. Koṇāgamana
  3. Kassapa
  4. Gautama (die huidige Boeddha)
  5. Maitreya (die toekomstige Boeddha)

Beskrywing[wysig | wysig bron]

Maitreya word gewoonlik uitgebeeld as sittend, met óf albei voete op die grond óf by die enkels gekruis, terwyl hy sy tyd afwag. Hy dra die klere van óf ’n bhikkhu óf ’n Indiese koninklike. As ’n bodhisattva staan hy gewoonlik en dra hy juwele. Hy het gewoonlik ’n klein stoepa in sy kopbedekking.

In die Grieks-Boeddhistiese kuns van Gandhara word Maitreya uitgebeeld as ’n Sentraal-Asiatiese of Noord-Indiese adellike. Weerskante van hom staan sy twee altaardienaars, die broers Asanga en Vasubandhu.

Verwysings[wysig | wysig bron]

  1. 1,0 1,1 Horner, IB, red. (1975). The minor anthologies of the Pali canon. Vol. III: Buddhavaṁsa ("Kroniek van Boeddhas") en Cariyāpiṭaka ("Gedragsmandjie"). Londen: Pali Text Society. ISBN 0-86013-072-X.
  2. 2,0 2,1 Buddha Dharma Education Association (2014). "Suttanta Pitaka: Khuddaka Nikāya: 14.Buddhavamsa-History of the Buddhas". Guide to Tipiṭaka. Tullera, NSW, Australië: Buddha Dharma Education Association. Besoek op 2014-12-21. 
  3. Angela Falco Howard e.a., Chinese Sculpture, Yale University Press, 2006, p. 228
  4. Gärtner, Uta; Jens Lorenz (1994). Tradition and modernity in Myanmar. LIT Verlag. p. 281. ISBN 978-3-8258-2186-9. 
  5. Buswell Jr., RE; Lopez Jr., DS (2014). The Princeton Dictionary of Buddhism (1st uitg.). Princeton, New Jersey: Princeton University Press. p. 106. ISBN 978-0-691-15786-3. 
  6. "Chapter 36: The Buddhas in the three periods of time". Buddhism in a Nutshell Archives. Hong Kong: Buddhistdoor International. Besoek op 2014-12-21. 

Eksterne skakels[wysig | wysig bron]