Asiana Airlines

in Wikipedia, die vrye ensiklopedie
Asiana Airlines
Koreaans:아시아나항공
Asiana Airlines.svg
IATA ICAO Roepsein
OZ AAR ASIANA
Gestig17 Februarie 1988 (1988-02-17) (as Seoul Airlines)
Eerste vlug23 Desember 1988 (1988-12-23)
Hoofspille
FokusstedeJeju Internasionale Lughawe
LojaliteitsprogramAsiana Club
AlliansieStar Alliance
Subsidiêre
  • Air Busan
  • Air Seoul
  • Asiana Airport
  • Asiana Cargo
  • Asiana IDT
  • Asiana Sabre
  • Kumho Resort
Vlootgrootte76
Bestemmings90 (insl. vrag)
Houermaatskappy
  • Kumho Asiana Group
  • Korea Development Bank
Verhandel askse
HoofkantoorOsoe-dong, Gangseo-gu, Seoul, Suid-Korea
SleutelpersoneHan Chang-soo (President en HUB)
OmsetGreen Arrow Up Darker.svg KRW 5,552 miljard (2015)[1]
Werknemers10 380 (2015)
Webwerfwww.flyasiana.com

Asiana Airlines (IATA: OZ, ICAO: AAR) is een van Suid-Korea se grootse lugrederye. Die lugredery is jonger en kleiner as sy mededinger Korean Air, die nasionale lugredery. Asiana se hoofkwartier is naby sy internasionale spilpunt Incheon Internasionale Lughawe. Asiana se binnelandse spilpunt is Gimpo Internasionale Lughawe, voorheen bekend as "Kimpo Internasionale Lughawe". Asiana is sedert 2003 deel van die Star Alliance.[2]

Geskiedenis[wysig | wysig bron]

Asiana is op 17 Februarie 1988 gestig en het in Desember 1988 vlugte na Busan begin bedryf. Dit is gestig deur die Kumho Asiana-groep as deel van die Suid-Koreaanse regering. Die bedoeling was om 'n tweede groot lugredery op te bou en die lugredery was oorspronklik bekend as Seoul Air International. Op 31 Desember 2020 is Kumho Industrial met 30,77% se aandele en Kumho Petrochemical met 11,02% die grootste aandeelhouers.[3]

In Februarie 2006 het Asiana aangekondig dat die maatskappy gemoderniseer gaan word. Die naam "Economy Class" is vervang deur "Travel Class" en alle personeel het nuwe uniforms ontvang.

Op 18 April 2007 is Asiana met 5 sterre bekroon deur Skytrax en in 2020 was die lugredery steeds een van hierdie uitgesoekte groep lugrederye.[4]

Korean Air het in November 2020 ’n oornameaanbod van VS$2,2 miljard vir Asiana Airlines gemaak.[5] Asiana het voor die Covid-19-pandemie na 61 stede in 21 lande gevlieg. Asiana bedryf ook twee laekoste-lugrederye, Air Seoul en Air Busan.

Voorvalle en ongelukke[wysig | wysig bron]

  • Op 26 Julie 1993 het 'n Boeing 737-5LG op 'n binnelandse Suid-Koreaanse vlug OZ733 van Seoel na Mokpo neergestort met sy derde landingspoging. Daar was 66 passasiers en 2 bemanningslede in die ongeluk, 48 mense het die ramp oorleef.
  • Op 28 Julie 2011 het 'n Boeing 747-400F in die Straat van Korea neergestort tydens 'n gereelde vragvlug OZ991 van Incheon na Sjanghai. Die twee vlieëniers het nie die ongeluk oorleef nie.
  • Op 6 Julie 2013 het 'n Boeing 777-200ER tydens Asiana-vlug OZ214 by San Francisco Internasionale Lughawe in die Verenigde State neergestort. Die vliegtuig is erg beskadig en het aan die brand geslaan.

Verwysings[wysig | wysig bron]

  1. "Asiana Airlines Sustainability Report 2015" (PDF). Asiana Airlines. Geargiveer vanaf die oorspronklike (PDF) op 23 September 2016. Besoek op 30 Augustus 2016.
  2. (en) "Asiana Airlines details op die webblad van Star Alliance". Asiana Airlines. Besoek op 6 Junie 2021.
  3. (en) Asiana 2020.4Q Information Memorandum, geraadpleeg op 6 Junie 2021. [1] Geargiveer op 6 Junie 2021.
  4. (en) Skytrax The worlds 5 star airlines during the 2020 coronavirus pandemic, 17 Desember 2020, geraadpleeg op 6 Junie 2021. [2] Geargiveer op 6 Junie 2021.
  5. (en) StraitTimes Korean Air to merge with Asiana, 16 November 2020, geraadpleeg op 3 Junie 2021. [3] Geargiveer op 3 Junie 2021.

Eksterne skakels[wysig | wysig bron]