Austin Roberts

in Wikipedia, die vrye ensiklopedie
Spring na: navigasie, soek
Austin Roberts
’n Beeld van die betrokke persoonlikheid.
Gebore 3 Januarie 1883
Pretoria
Oorlede 5 Mei 1948
Lusikisiki, Transkei
Nasionaliteit Suid-Afrika
Ouers Alfred Roberts en Edda Fannin
Beroep Dierkundige, ornitoloog
Bekend vir Voëlboeke

Austin Roberts (3 Januarie 18835 Mei 1948) was 'n Suid-Afrikaanse dierkundige en ornitoloog. Hy is veral bekend vir sy Birds of South Africa, wat die eerste keer in 1940 gepubliseer is. Hy het ook die dierkunde van die streek bestudeer. Sy werk The mammals of South Africa is postuum in 1951 gepubliseer. Die 7de uitgawe van Roberts' Birds of Southern Africa, wat in 2005 verskyn het, is die standaard verwysingswerk oor die voëls van dié streek.

Biografie[wysig | wysig bron]

Austin, die seun van 'n predikant, is in Pretoria gebore en het in Potchefstroom grootgeword. Hy het baie van sy vroeë kennis van dierkunde van Thomas Ayres (1828–1913), een van Suid-Afrika se eerste amateur-ornitoloë, gekry. Roberts was in diens van die Transvaalse Museum tussen 1910 en 1946, vanwaar hy die voëls en soogdiere van Suid-Afrika bestudeer het. Om navorsing te bevorder, het hy 'n versameling van ongeveer 30000 voël- en 13000 soogdier-monsters by die museum gevestig. Hy is die outeur van verskeie manuskripte en artikels in wetenskaplike publikasies. In 1935 het die Universiteit van Pretoria 'n ere-doktorsgraad aan hom toegeken. Austin Roberts het op 5 Mei 1948 in 'n motorongeluk in Transkei gesterf. Die Austin Roberts-voëlreservaat in Pretoria is na hom vernoem.

Bibliografie[wysig | wysig bron]

  • The Mammals of South Africa. Johannesburg 1951–1954 (postuum)
  • Our South African Birds (Ons Suid-Afrikaanse voëls). Cape Times, Kaapstad 1941.
  • The Birds of South Africa. H.F.&G.Witherby Ltd., Londen, 1940.
  • Museums, higher vertebrate zoology and their relationship to human affairs. Pretoria 1935.
  • Synoptic Check List of the Birds of South Africa. Cambridge 1924
  • New Forms of African Birds. Cambridge 1929
  • Egg-collecting in the Bushveld. 1913
  • Ornithological Notes from Wolmaransstad, Transvaal. 1906

Literatuur[wysig | wysig bron]

Bron[wysig | wysig bron]