1940

Die jaar 1940 was 'n skrikkeljaar wat volgens die Gregoriaanse kalender op 'n Maandag begin het. Dit was die 40ste jaar van die 20ste eeu n.C. In teenstelling met gewone jare het die jaar 366 dae en 'n 29 Februarie gehad.

Gebeure

• J.B.M. Hertzog bedank uit die politiek na kortstondige samewerking met die Nasionaliste.
• Stigting van Suid-Afrika se Nywerheid-Ontwikkelingskorporasie (NOK)
• 7 Januarie – Tydens die Winteroorlog tussen Finland en die Sowjetunie kom die Sweedse Vrywilligerlugmag te staan teen 12 vegvliegtuie, 5 bomwerpers en 8 ander vliegtuie.
• 29 Februarie – Hattie McDaniel word die eerste Swart Amerikaner om 'n Oscar te wen.
• 9 April – Tweede Wêreldoorlog: Nazi-Duitsland val Denemarke en Noorweë in.
• 15 April – Tweede Wêreldoorlog: Die Geallieerdes begin hul aanval op die Noorweegse dorp Narvik.
• 25 April – Tweede Wêreldoorlog: Met “Operation demon” begin die Verenigde koninkryk Griekeland ontruim.
• 10 Mei – Tweede Wêreldoorlog: Nazi-Duitsland val België, Nederland, en Luxemburg binne.
• 13 Mei – Tweede Wêreldoorlog: Nazi-Duitsland se inval van Frankryk begin toe die Duitse weermag die Meuserivier oorsteek.
• 15 Mei – Tweede Wêreldoorlog: Nederland (uitgesonder die provinsie Zeeland) kapituleer teen Duitsland.
• 24 Mei – Igor Sikorsky voer die eerste suksesvolle enkelrotor helikopter-vlug uit.
• 25 Mei – Tweede Wêreldoorlog: Die Slag van Duinkerken begin.
• 28 Mei – Tweede Wêreldoorlog: België kapituleer voor Duitsland.
• 4 Junie – Tweede Wêreldoorlog: Die Slag van Duinkerken word beëindig met 'n Duitse taktiese oorwinning. 338000 Britse troepe word uit Duinkerken in Frankryk ontruim. Winston Churchill lewer sy beroemde "We shall fight on the beaches" toespraak.
• 9 Junie – Tweede Wêreldoorlog: Pantserbrigade van Erwin Rommel steek die Seine-rivier oor.
• 10 Junie – Tweede Wêreldoorlog: Italië verklaar oorlog teen Frankryk en Engeland.
• 14 Junie – Tweede Wêreldoorlog: Eerste gevangenes arriveer in Auschwitz-konsentrasiekamp.
• 16 Junie – Tweede Wêreldoorlog: Estland word deur die Sowjetunie beset.
• 17 Junie – Tweede Wêreldoorlog: Die Sowjetunie beset Letland.
• 20 Junie – Tweede Wêreldoorlog: ’n Nuwe regering word gevorm in Letland nadat die Rooi Leër die land beset het.
• 21 Junie – Tweede Wêreldoorlog: Frankryk kapituleer voor Duitsland.
• 22 Junie – Tweede Wêreldoorlog: Maarskalk Phillippe Pétain teken die wapenstilstand met Duitsland en vestig die Vichy-regering.
• 24 Junie – Tweede Wêreldoorlog: Frankryk en Italië teken ’n wapenstilstand.
• 31 Oktober – Tweede Wêreldoorlog: Die Slag om Brittanje eindig. Die Verenigde Koninkryk keer hiermee dat Duitsland Groot-Brittanje oorneem.
• 5 November – Franklin D. Roosevelt wen die Amerikaanse presidentsverkiesing en word die eerste president van Amerika vir ’n derde ampstermyn.
• 7 November – Die middelste deel van die Tacoma Narrowsbrug in Tacoma, Washington-deelstaat, stort ineen tydens 'n windstorm.

Geboortes

• 2 Januarie – Louise Smit, 'n Suid-Afrikaanse skrywer van kinderboeke en kindertelevisieprogramme.
• 4 Januarie – Helmut Jahn, Duits-Amerikaanse argitek.
• 12 Januarie – Bob Hewitt, Australiese en Suid-Afrikaanse tennisspeler.
• 19 Januarie – Barend du Plessis, Suid-Afrikaanse politikus.
• 31 Januarie – Albie Venter, Suid-Afrikaanse rolprentregisseur en -vervaardiger († 1990).
• 9 Februarie – J.M. Coetzee, Suid-Afrikaanse skrywer.
• 12 Februarie – Ralph Bates, Britse akteur († 1991).
• 29 Februarie – Ekumeniese Patriarg Bartolomeus I van Konstantinopel
• 2 Maart – Frederik van Zyl Slabbert, Suid-Afrikaanse politikus, akademikus en sakeman († 2010).
• 8 Maart – Frederick Brownell, Suid-Afrikaanse heraldikus, vlagkundige en genealoog; ontwerper van beide die vlae van Namibië en Suid-Afrika († 2019).
• 15 Maart – Haas Schoeman, Springbokflank († 2006).
• 25 Maart – Anita Bryant, Amerikaanse vermaaklikheidskunstenaar.
• 26 Maart – James Caan, Amerikaanse akteur.
• 26 Maart – Nancy Pelosi, Amerikaanse politikus.
• 30 Maart – Astrud Gilberto, Brasiliaans-Amerikaanse sangers.
• 2 April – Penelope Keith, Engelse aktrise.
• 3 April – Pieter Fourie, Afrikaanse drama skrywer.
• 4 April – Bijan (volle naam: Bijan Pakzad), Irans-Amerikaanse mode- en fyngeurontwerper († 2011).
• 15 April – Penny Coelen, eerste Suid-Afrikaner wat die Mej. Wêreldtitel verower.
• 16 April – Margrethe II, koningin van Denemarke.
• 23 April – Sias Reinecke, Afrikaanse sanger en lid van Groep Twee († 1982).
• 25 April – Al Pacino, Amerikaanse akteur
• 30 April – Burt Young, Amerikaanse akteur.
• 13 Mei – Bruce Chatwin, Engelse reis- en romanskrywer († 1989).
• 24 Mei – Joseph Brodsky, Russies-Amerikaanse digter en essayis († 1996).
• 1 Junie – René Auberjonois, Amerikaanse akteur († 2019).
• 2 Junie – Konstantyn II, koning van Griekeland van 1964 tot 1974, in Psikhikó, naby Athene.
• 8 Junie – Nancy Sinatra, Amerikaanse sangeres en aktrise.
• 15 Junie – Zubaida Tharwat, Egiptiese aktrise († 2016).
• 23 Junie – Wilma Rudolph, Amerikaanse atleet († 1994).
• 10 Julie – Dawie de Villiers, Suid-Afrikaanse politikus en twee-en-dertigste Springbokkaptein.
• 13 Julie – Jeanne Goosen, Suid-Afrikaanse skryfster († 2020).
• 30 Julie – Clive Sinclair, Britse uitvinder en entrepreneur.
• 3 September − Kevin Starr, Amerikaanse geskiedkundige († 2017).
• 19 September – Zandra Rhodes, Britse modeontwerpster.
• 7 Oktober – Stephen Kovacevich, Amerikaanse dirigent.
• 9 Oktober – John Lennon, Britse musikant († 1980).
• 9 Oktober – Manto Tshabalala-Msimang, Suid-Afrikaanse kabinetsminister en politikus († 2009).
• 26 Oktober – John D. Caputo, Amerikaanse filosoof.
• 29 Oktober – Frida Boccara, Franse sangeres († 1996).
• 25 November – Percy Sledge, Amerikaanse sanger († 2015).
• 8 Desember – Louis Wilsenach, Suid-Afrikaanse skilder, digter, sendeling en baanbreker in die advertensiewese († 2020).
• 26 Desember – Marzanne Leroux-Van der Boon, Afrikaanse skrywer.

Sterftes

• 16 Maart – Selma Lagerlöf, Sweedse skryfster en ontvanger van die Nobelprys vir Letterkunde, 1909 (* 1858).
• 14 Mei – Willem Johannes Leyds, 'n Nederlandse prokureur, staatsman en Staatsekretaris in die Zuid-Afrikaansche Republiek (* 1859).
• 14 Mei – E. du Perron, Nederlandse digter en skrywer (* 1899).
• 14 Mei – Menno ter Braak, Nederlandse modernistiese skrywer (* 1902).
• 18 Augustus – Walter Chrysler, Amerikaanse nyweraar, pionier van die motorbedryf. (* 1875).
• 22 September – István Thomán, Hongaarse klaviervirtuoos en musiekonderwyser.(* 1862).
• 27 September – Walter Benjamin, Duits-Joodse Marxistiese kultuurfilosoof. (* 1892).
• 14 Oktober – Anje Hendriks Strik, moeder van Hendrik Verwoerd (* 1873).
• 9 November – Neville Chamberlain, Britse politikus (* 1869).
• 21 Desember – F. Scott Fitzgerald, Amerikaanse skrywer (* 1896)
• Onbekend – Paul de Groot, Suid-Afrikaanse akteur (* 1878).