Bacchus

in Wikipedia, die vrye ensiklopedie
Spring na: navigasie, soek
'n Brons beeldjie van Bacchus uit Pompeii, 2de eeu voor Christus.

In die Romeinse mitologie is Bacchus die god van wyn en vrugbaarheid. Hy word gewoonlik met uitspattige feeste verbind waarby te veel drank, partytjies en seks betrokke is. In die Griekse mitologie heet hy Dionusos.[1]

Bacchus was die seun van Jupiter en Semele, die dogter van Kadmos. Toe sy ma met hom swanger was, is hulle deur 'n bliksemstraal van Jupiter getref. Die ongebore kind is vervolgens in Jupiter se heup toegewerk, en is drie maande later gebore. As kind is hy deur Silenus geskool, wat 'n groot liefhebber van wyn was en dikwels op die rug van 'n donkie gedra moes word. Voordat hy sy plek by Olimpus ingeneem het, het Bacchus vir baie jare deur die wêreld gedwaal. Hy was tot so ver as Indië om mense te leer hoe om wingerdstokke te groei.

Bacchus was die laaste god wat by die twaalf Olimpiese gode aangesluit het. Hestia het haar posisie aan hom afgestaan.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]

Romeinse mitologie
Aeneas | Apollo | Aurora | Bacchus | Ceres | Diana | Fortuna | Hercules | Juno | Jupiter | Kupido | Maia | Mars | Mercurius | Minerva | Neptunus | Okeaniede | Pluto | Saturnus | Sol | Tartaros | Venus | Vesta | Vulcanus