Minerva

in Wikipedia, die vrye ensiklopedie
Minerva
Romeinse godin
’n Mosaïek van die Minerva van Vrede, in die Kongresbiblioteek.
’n Mosaïek van die Minerva van Vrede, in die Kongresbiblioteek.
Naam Minerva
Ouers Jupiter en Metis
Godin van Wysheid
Beskermer van Kunste, musiek, poësie, medisyne, handel en weefwerk
Diere Uil van Minerva
Griekse eweknie  Atena

Minerva was in die Romeinse mitologie die godin van wysheid, kuns, handel en strategie. Sy is met wapens en al uit Jupiter se kop gebore.[1]

Mite[wysig | wysig bron]

Nadat Jupiter die Titaniese godin Metis swanger gemaak het, het hy ’n voorspelling onthou dat sy eie kind hom sal onttroon. Hy was bang sy kind sal sterker as hy word en sy plek as heerser van die lug oorneem, en daarom het hy Metis heel ingesluk. Die godin het wapens en wapenrusting vir haar kind gemaak terwyl sy in binne-in die god was, en die konstante lawaai het Jupiter hoofpyn gegee. Om sy pyn te verlig het Vulcanus Jupiter se kop met ’n hamer oopgekloof en Minerva, kompleet met wapens en wapenrusting, het as volwassene uit sy kop te voorskyn gekom.

Van die 2de eeu v.C. af het die Romeine haar vereenselwig met die Griekse godin Atena.[2] Sy was die maagdegodin van musiek, poësie, medisyne, wysheid, handel en weefwerk.[3] Sy word dikwels uitgebeeld met ’n uil,[4] wat die simbool van haar wysheid en kennis is.

Minerva is een van drie maagdegodinne wat ’n eed afgelê het om nooit te trou nie; die ander twee is Diana en Vesta.

Verwysings[wysig | wysig bron]

  1. Encarta World English Dictionary 1998–2004 Microsoft Corporation.
  2. Larousse Desk Reference Encyclopedia, Book People, Haydock, 1995, p. 215.
  3. Candau, Francisco J. Cevallos (1994). Coded Encounters: Writing, Gender, and Ethnicity in Colonial Latin America. University of Massachusetts Press. p. 215. ISBN 0-87023-886-8.
  4. Philosophy of Right (1820), "Preface"