Gaan na inhoud

Bacha Khan Internasionale Lughawe

Koördinate: 33°59′38″N 71°30′53″E / 33.99389°N 71.51472°O / 33.99389; 71.51472
in Wikipedia, die vrye ensiklopedie
Bacha Khan Int. Lughawe
Pasjtoe: د باچا خان نړیوال هوایی ډګر
IATA: PEWICAO: OPPS
Opsomming
Tipe lughawe Openbaar
Operateur Pakistan Civil Aviation Authority
Bedien Pesjawar
Ligging Khyber Pakhtunkhwa, Pakistan
Hoogte bo seevlak 1 158 vt / 353 m
Koördinate 33°59′38″N 71°30′53″E / 33.99389°N 71.51472°O / 33.99389; 71.51472
Webtuiste www.peshawarairport.com.pk
Landkaart
PEW is in Pakistan
PEW
PEW
Ligging van die lughawe in Pakistan
Aanloopbane
Rigting Lengte Oppervlak
vt m
17/35 9 000 2 743 Teer
Statistieke (2017-18)
Passasiers 1 578 319
Lugbewegings 10 736
Vrag (metrieke ton) 7 646

Bacha Khan Internasionale Lughawe (IATA: PEW, ICAO: OPPS), voorheen bekend as Pesjawar Internasionale Lughawe, is 'n internasionale lughawe geleë in Pesjawar, Khyber Pakhtunkhwa, Pakistan. Dit is geleë in die suidwestelike punt van die stad Pesjawar en is die vierde besigste lughawe in Pakistan.

Een van die hoofaanloopbane van die lughawe word gekruis deur 'n spoorlyn bekend as die Khyber-treinsafari, wat na die dorp Landi Kotal in die Khyberpas loop, alleenlik met toerisme ten doel. Die lughawe is op 27 Januarie 2012 herdoop na Abdul Ghaffar Khan (met die bynaam Bacha Khan), 'n prominente Brits-Indiese vryheidsvegter en later Pakistanse Pasjtoene-aktivis.[1] Die lughawe is van 2016 tot 2018 omvattend herbou.

Geskiedenis[wysig | wysig bron]

Bacha Khan Internasionale Lughawe is strategies geleë in die hartjie van Pesjawar, ongeveer 180 km vanaf Islamabad (die federale hoofstad van Pakistan) wat dit sowat twee uur se ry vanaf die hoofstad via die M-1-snelweg maak. Aangesien Pesjawar die hoofstad van die Khyber Pakhtunkhwa-provinsie is, bied dit wêreldverbindings vir die meerderheid van die noordwestelike streek van die land en aangrensende gebiede van Afghanistan. Aangesien die provinsie 'n groot Afghaanse Pasjtoen-gemeenskap het wat binne KPK woon, is Afghaanse vlugte nog altyd aan die toeneem.

Struktuur[wysig | wysig bron]

Pesjawar is 'n belangrike passasierspilpunt met 75% internasionale vlugte. Die lughawe het 'n paar fasiliteite om die basiese behoeftes van reisigers te hanteer, soos telefoonhokkies, valutawissel, outomatiese tellermasjiene (OTM'e), internetstasies, inligtingstoonbanke, geskenk- en aandenkingswinkels, peuselhappiewinkels, huurmotordienste en 'n poskantoor.

Die aanloopbaan is 2 700 meter lank en 40 meter wyd met 3 meter skouers aan weerskante wat ooreenstem met die Internasionale Burgerlugvaartorganisasie Kategorie 4E. Dit word gekruis deur 'n (selde werkende) spoorlyn, een van die min sulke aanloopbane in die wêreld. Maksimum kapasiteit: Boeing 777-300ER. Daar is neus-in-parkering vir 4 wyerompvliegtuie op 'n slag of 3 Airbus- en 2 smalrompvliegtuie op 'n slag. Die lughawe het 2 lugbrûe wat in 2018 gebou is.

Lugrederye en bestemmings[wysig | wysig bron]

Verwysings[wysig | wysig bron]

  1. Peshawar Airport gets a new name Geargiveer 24 Oktober 2012 op Wayback Machine
  2. "Air Arabia".