Barbaryse hert

in Wikipedia, die vrye ensiklopedie
Jump to navigation Jump to search
Barbaryse hert
’n Manlike Barbaryse hert in Berlyn.
Bewaringstatus

Status iucn3.1 CR af.svg
Kritiek bedreig (IUBN 3.1)

Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Artiodactyla
Familie: Cervidae
Subfamilie: Cervinae
Genus: Cervus
Spesie: C. elaphus
Subspesie: C. e. barbarus
Trinomiale naam
Cervus elaphus barbarus
Bennett, 1833[1]

Die Barbaryse hert of Atlashert (Cervus elaphus barbarus) is ’n subspesie van die edelhert wat inheems is aan Noord-Afrika.

Beskrywing[wysig | wysig bron]

Die Barbaryse hert is kleiner as die gemiddelde edelhert. Sy lyf is donkerbruin met ’n paar wit vlekke aan die sye en rug. Die gewei (horings) makeer ’n tweede punt.

Die diere is die enigste herte wat inheems aan Afrika is. Dit kom voor in digte, vogtige bosstreke in Algerië, Tunisië en Marokko.[2] Hulle is aanvanklik in laasgenoemde land gejag totdat hulle uitgesterf het, maar Barbaryse herte van Tunisië is in die 1990's weer in die land ingevoer.[2]

Taksonomie[wysig | wysig bron]

Onlangse genetiese studies het getoon die Barbaryse hert is feitlik ononderskeibaar van die Sardiniese en Korsikaanse bevolkings, wat bekend is as die Korsikaanse edelhert. Dit dui daarop dat mense hulle in antieke tye uit Noord-Afrika na die ander Mediterreense lande ingevoer het.

Volgens verdere ontledings behoort die Barbaryse hert, insluitend die Korsikaanse edelhert, in ’n aparte spesie, Cervus corsicanus.[2]

Verwysings[wysig | wysig bron]

  1. Cervus elaphus barbarus, MSW3
  2. 2,0 2,1 2,2 Le programme d'espèces d'UICN et la Commission UICN de la sauvegarde des espèces et TRAFFIC. "Résumés des Analyses UICN/TRAFFIC des propositions d'amendement aux Annexes de la CITES pour la Quatorzième session de la Conférence des Parties", URL besoek op 2008-12-28