Christopher Isherwood

in Wikipedia, die vrye ensiklopedie
Jump to navigation Jump to search
Christopher Isherwood
’n Beeld van die betrokke persoonlikheid.
Geboortenaam Christopher William Bradshaw Isherwood
Gebore (1904-08-26)26 Augustus 1904
Wyberslegh Hall, High Lane, Cheshire, VK
Oorlede 4 Januarie 1986 (op 81)
Santa Monica, Kalifornië, VSA
Alma mater Corpus Christi College, Cambridge
King's College Londen
Beroep Romansier
Familie Francis Edward Bradshaw Isherwood (1869–1915, vader)
Kathleen Isherwood († 1960, moeder)[1]
Richard Isherwood (broer)[1]
Lewensmaat Heinz Neddermeyer (1932–1937)
Don Bachardy (1953–1986)
Handtekening Christopher Isherwood signature.svg

Christopher Isherwood (ook bekend as Christopher William Bradshaw-Isherwood; gebore op 26 Augustus 1904, High Lane, Cheshire, Engeland, sterf op 4 Januarie 1986 Santa Monica, Kalifornië, VSA was ‘n Anglo-Amerikaanse romansier wat die bekendste om sy romans oor Berlyn in die vroeë 1930s is.

'n Gedenkplaat is teen die muur van die woonhuis in Berlyn-Schöneberg se Nollendorfstraße 17 aangebring waar Christopher Isherwood tot vroeg in 1933 gewoon het

Nadat hy as ‘n private tutor gewerk het, het Isherwood ‘n mate van erkenning verkry met sy eerste twee romans, All the Conspirators (1928) en The Memorial (1932). Gedurende die 1930s het hy saam met sy vriend W.H. Auden op drie dramas gewerk, insluitende The Ascent of F6 (1936). Maar dit was in 1929 dat hy die tema ontdek het wat hom algemeen bekend sou maak. Isherwood het tussen 1929 en 1933 in die Berlynse stadsdeel Schöneberg gewoon, destyds die sosiale middelpunt van die Duitse hoofstad se gay en lesbiese lewe, en sodoende die besondere en objektiewe oogpunt van ‘n buitestander betreffende die verval van die Republiek van Weimar as eerste moderne Duitse demokrasie en die opkoms van die Nasionaal-Sosialistiese Duitse Arbeidersparty van Hitler verkry.

Sy romans, Mr. Norris Changes Trains (1935; The Last of Mr. Norris) en Goodbye to Berlin (1939), wat later saam gepubliseer is as Berlin Stories, het sy reputasie as ‘n belangrike skrywer gevestig, en het as inspirasie vir die toneelstuk, I Am a Camera, (1951; rolprent, 1955) gedien sowel as die musiekblyspel Cabaret (1966; rolprent, 1972). Hierdie boeke is afgesonderde maar humoristiese studies van twyfelagtige karakters wat losbandige lewens as inkommers lei in die Duitse hoofstad. In 1938 het Isherwood Lions and Shadows gepubliseer, ‘n amusante en sensitiewe relaas van sy vroeë lewe en vriendskappe terwyl hy ‘n student was aan die Universiteit van Cambridge.

Die koms van die Tweede Wêreldoorlog het nie slegs ‘n verandering meegebring in Isherwood se skryfwerk nie, maar ook ‘n permanente verandering wat woonplek betref. Hy het naamlik in 1939 na die VSA geïmmigreer en hom in Suid-Kalifornië gevestig waar hy onderrig gegee het en draaiboeke vir Hollywood-rolprente geskryf het. In 1946 het hy Amerikaanse burgerskap aanvaar. Dit was ook in 1939 dat Isherwood hom na pasifisme en die selfontkenning van die Indiese Vedanta gewend het en ‘n volgeling van Swami Prabhavananda geword het. Tydens die daaropvolgende dekades sou Isherwood verskeie werke oor Vedanta en vertalings met Prabhavananda voortbring, insluitende ‘n vertaling van die Bhagavadgita.

Isherwood se na-oorlogse romans het voortgegaan om sy persoonlike styl van fiksionele outobiografie te demonstreer. Sy boek A Single Man van 1964, (wat in 2009 verfilm is) ‘n kort maar hooggeagte roman; handel oor ‘n enkele dag in die lewe van ‘n eensame middeljarige homoseksuele man. Sy erkende outobiografiese werke sluit ‘n self-verklaarde memoir van sy ouers, Kathleen and Frank (1971), ‘n retrospektiewe biografie van homself in die 1930s, Christopher and His Kind (1977), en ‘n studie van sy verhouding met Prabhavananda en Vedanta, My Guru and His Disciple (1980), in Diaries: Volume One: 1939–1960 (1996) en The Sixties: Diaries: 1960–1969 (2010) is postuum gepubliseer.

Isherwood het vanaf 1953 saam met sy metgesel, Don Bachardy (‘n skilder en portretskilder) gewoon.[2]

Verwysings[wysig | wysig bron]

  1. 1,0 1,1 Christopher and his kind
  2. "Isherwood, Christopher." Encyclopædia Britannica. Encyclopædia Britannica Ultimate Reference Suite. Chicago: Encyclopædia Britannica, 2012.

Eksterne skakels[wysig | wysig bron]

Verblyf in Berlyn