Santa Monica, Kalifornië

in Wikipedia, die vrye ensiklopedie
Jump to navigation Jump to search

Santa Monica
Ocean Avenue.jpg

Kaart Seël
LA County Incorporated Areas Santa Monica highlighted.svg
Seal of Santa Monica, California.png
Vlag
Flag of None.svg
 Land Vlag van Verenigde State van Amerika Verenigde State
 Deelstaat Flag of California.svg Kalifornië
 County Flag of Los Angeles County, California.svg Los Angeles
 Koördinate 34°01′N 118°29′W / 34.017°N 118.483°W / 34.017; -118.483
 Gestig op 3 Augustus 1769
 Geïnkorporeer op 30 November 1886
 Oppervlakte:  
 - Totaal 21,80 vk km
 Hoogte bo seevlak 32 m
 Bevolking:  
 - Totaal (2013) 92 472
 - Bevolkingsdigtheid 4 100/vk km
 Tydsone PST (UTC -8)
 Somertyd PDT (UTC -7)
 Burgemeester Ted Winterer
 Amptelike Webwerf smgov.net

Santa Monica is 'n stad in die deelstaat Kalifornië geleë aan die voet van die Santa Monica-berge aan die Stille Oseaan. Dit is ongeveer 24km wes van Los Angeles. Die nedersetting het dorpstatus verkry in 1827 en stadstatus in 1886. Toerisme is 'n groot bron van inkomste en die stad is bekend vir roofvishengel en hulle strande.[1]

Little Britain[wysig | wysig bron]

In Kalifornië word na Santa Monica soms verwys as Little Britain weens die betreklik groot Britse gemeenskap van tydelik tussen 4 000 en 5 000 siele wat hulle hier sedert die vroeë 1960's gevestig het. Intussen het die gemeenskap weens hoë eiendomspryse en strenger immigrasievereistes gekrimp tot 807 burgers (soos in 2011).[2][3] Die enigste weekblad in die Verenigde State met Britse immigrante as teikengroep, The British Weekly, word eweneens hier gepubliseer.[4][5]

Vroeë Britse inwoners het bekende literêre persoonlikhede soos Christopher Isherwood en W. H. Auden ingesluit. Isherwood, wat hom in Kalifornië kom vestig het nadat hy in die tyd van die Republiek van Weimar enkele jare saam met sy lewensmaat W. H. Auden in Berlyn deurgebring het, is in 1986 in sy huis in Santa Monica aan kanker oorlede. Vandag is dit hoofsaalik bekendes uit die vermaaklikheidsbedryf wat hulle hier kom vestig om sukses op die Amerikaanse mark te behaal.

Vervoer[wysig | wysig bron]

Lughawe[wysig | wysig bron]

Santa Monica-lughawe temidde van digbeboude woonbuurte waar bewoners al lank gekla het oor geraas en besoedeling wat deur vliegtuie veroorsaak word

Die Stad Santa Monica is die eienaar van die oudste lughawe in Los Angeles County wat steeds in bedryf en sowat tien kilometer noord van Los Angeles se internasionale lughawe (LAX) geleë is. Die Federale Lugvaartadministrasie FAA het die lughawe in sy Nasionale Plan vir Geïntegreerde Lughawestelsels vir die tydperk tussen 2009 en 2013 as 'n sogenaamde reliever airport gekategoriseer - 'n lughawe dus waarna vliegtuie kan uitwyk as groter lughawens in die omgewing hul kapasiteitsgrense bereik.

Volgens amptelike planne sal Santa Monica-lughawe (SMO) teen 2028 gesluit word. In Junie 2019 is met die verkorting van die bestaande aanloopbaan met 'n lengte van tans 5 000 tot 3 500 voet begin. Die lughawe se oppervlakte van 227 akkers sal as park herontwikkel word. Met die oog op Santa Monica se betreklik groot getal werksgeleenthede wat daagliks tienduisende pendelaars die stad laat binnestroom en die heersende behuisingstekort, word daar tans 'n openbare debat gevoer oor 'n alternatiewe herontwikkeling van die terrein as woonbuurt, gegewe die beskikbaarheid van werksgeleenthede, vervoergeriewe en skole in die lughawe se onmiddellike omgewing - die Westside van Los Angeles.[6]

Verwysings[wysig | wysig bron]