Chromatied

in Wikipedia, die vrye ensiklopedie
’n Diagram van die gerepliseerde en verdigte chromosoom van ’n eukarioot. 1. Chromatied. 2. Sentromeer. 3. Kort arm. 4. Lang arm.

’n Chromatied is een kopie van ’n gedupliseerde chromosoom. Dit is gewoonlik by die sentromeer aan die ander kopie geheg.

Voor replisering bestaan een chromosoom uit een DNS-molekule. Ná die S-fase van die interfase bestaan elke chromosoom uit twee DNS-dubbelspiraalmolekules (DNS-replisering vermeerder dus die hoeveelheid DNS, maar nie die getal chromosome nie). Die twee identiese kopieë – wat elk die helfte van die gerepliseerde chromosoom uitmaak – word chromatiede genoem.[1] Hierdie chromatiede skei eindelik in die lengte om individuele chromosome te word tydens die latere fases van seldeling.[2]

Hulle is gewoonlik geneties identies, of homosigoties, maar kan effense verskille hê vanweë mutasies; dan is hulle heterosigoties.

Verwysings[wysig | wysig bron]

Eksterne skakels[wysig | wysig bron]