Cindy Swanepoel

in Wikipedia, die vrye ensiklopedie
Jump to navigation Jump to search
Cindy Swanepoel
'n Beeld van die betrokke persoonlikheid.
Geboorte 15 Desember 1981 (1981-12-15) (38 jaar oud)
Nasionaliteit Suid-Afrikaner
Beroep(e) Aktrise
Internet-rolprentdatabasis-profiel

Cindy Swanepoel, gebore 15 Desember 1981 in Krugersdorp, Transvaal, is 'n Suid-Afrikaanse aktrise, wat veral bekend is vir haar rol as dokter Annelize Roux in die kykNET-reeks Binnelanders. Sy is ook bekend vir haar rol as Beula Botha in die kykNET-reeks, Getroud Met Rugby, Seisoen 12, 2016. In haar hoërskooljare het sy in Kaapstad gewoon en het aan Hoërskool Durbanville matrikuleer.

In 2003 het sy haar BA Drama honneursgraad behaal aan die Universiteit van Stellenbosch. Sy het haar debuut as professionele aktrise gemaak in die teaterproduksie, Kringe in 'n Bos, waarvan die regie deur Marinda Engelbrecht behartig is, by die Artscape Teater in Kaapstad, die produksie het ook later vertoon by die Klein Karoo Nasionale Kunstefees in 2004.

Swanepoel was in verskeie teaterproduksies daarna, insluitend die musiekblyspel, Houtkruis, waarvan die regie deur Elzette Maarschalk behartig is in 2008 en Stephen van Niekerk in 2011. Sy was ook in die produksie The Crucible, regie gedoen deur Alby Michaels en in 2013 het sy gespeel in Curl Up and Dye, en die regie is gedoen deur die teks se skrywer, Sue Pam-Grant.

In 2005 het sy van Kaapstad na Johannesburg getrek om haar loopbaan verder te versterk en het haar debuut op televisie gemaak op die M-Net televisiereeks, Egoli: Plek van Goud, in die rol van Julie.

Daarna was sy in verskeie televisiereekse, onder andere die SABC 2-dramareeks, The Mating Game, 90 Plein Street en Geraamtes in die Kas, die sepie, 7de Laan, Villa Rosa en Generations. Sy was ook in die improvisasie komediereekse, Laugh out Loud en Proesstraat. Swanepoel was deel van die kykNET-reeks, Sterlopers se spelers, asook Pandjieswinkelstories.

Swanepoel het oorspronklik die rol van Chrystal vertolk in die rolprent Getroud Met Rugby in 2010, wat later uitgebrei is na ʼn televisiereeks op kykNET. Ander films waarin sy ook gespeel het, sluit in Natie’s Garage, Die Straat se Bul en Ballade vir ’n enkeling.

In 2011 het sy en twee vennote hul eie produksiemaatskappy gestig, Pôkô Events and Productions, wat aanvanklik gestig is met die doel om ekstra-rolle in produksies te vervul en om op kinderteater te fokus. Sy het ook verskeie korporatiewe funksies behartig vir maatskappye, onder andere Shoprite, Firebrand, Eskom, Siyaphila en Mindset. Swanepoel was ook die gesig van televisie advertensies vir kliënte soos RICA, DStv, Vodacom, Xpanda en Citro Soda.

Film[wysig | wysig bron]

  • I Am All Girls, vertolk die rol van Mrs. Lourens (2020)
  • Fiela se Kind, vertolk die rol van Barta van Rooyen (2019)
  • Ballade vir ʼn Enkeling, vertolk die rol van Meisie Moolman (2015)
  • Die Straat se Bul, (2014)
  • Eenrigting, vertolk die rol van Jane (2014)
  • Fluit-Fluit, vertolk die rol van Ryna (2014)

Televisie[wysig | wysig bron]

  • Jongo, vertolk die rol van Angela Styles (2016)
  • Sterlopers, vertolk die rol van Minette Verwey (2014)
  • Generations, vertolk die rol van Dr. Booth (2006)
  • Geraamtes in die Kas, vertolk die rol van Chantelle (2013)
  • Laugh out Loud, vertolk die rol van ʼn deelnemer (2012)
  • Pandjieswinkelstories, vertolk die rol van Hester (2014)
  • Parlement Parlement, vertolk die rol van ʼn gas-deelnemer (2017)
  • The Mating Game, vertolk die rol van Cheryl (2010)
  • 7de Laan, vertolk die rol van Lindie (2000)
  • Villa Rosa, vertolk die rol van
  • 90 Plein Street, vertolk die rol van Kim (2011)

Teater[wysig | wysig bron]

  • Kringe in ʼn Bos
  • ʼn Tyd om Lief te Hê
  • Houtkruis: Die Musical
  • Dalliances
  • The Crucible
  • Curl up and Dye
  • My Boetie se Sussie se Ou
  • Equus
  • Drif
  • Mysterious Skin

Toekennings[wysig | wysig bron]

  • Huisgenoot Tempo-toekenning: Aktrise van die Jaar
  • Silwerskerm-toekenning: Beste Aktrise, vir haar rol in die kortfilm, Fluit-Fluit

Bronnelys[wysig | wysig bron]