Elzette Maarschalk

Elzette Maarschalk (23 Julie 1959) is 'n Suid-Afrikaanse aktrise wat haar BA Drama graad aan die Universiteit van Pretoria behaal het. In haar finale jaar van haar studies het sy reeds ŉ hoofrol in die film, Beloftes van Môre, losgeslaan. Kort daarna het sy met vryskutwerk begin. Sy is getroud met die sanger Joseph Clark en het twee kinders uit haar vorige huwelik saam met die akteur Pierre van Pletzen, Zetske van Pletzen en Pierre-Henri (Peach) van Pletzen.

Loopbaan

Elzette was ook betrokke by die oorvertaling van films na Afrikaans wat ook genomineer was vir beste oorvertalings. Na ŉ bedrywige tyd in Johannesburg het sy verhuis na Bloemfontein waar sy betrokke geraak het by die Uitvoerende Kunste Raad vir die Vrystaat, waar sy hoofrolle vertolk het in verskeie toneelstukke, komedies, klugte, pantomimes en musiekblyspele.

In 1988 het sy weer teruggekeer na Gauteng en is kort daarna deur Jan Scholtz genader om die rol Koekie in die televisiereeks Binnekring I en II teenoor At Botha te vertolk. Elzette het ook deur Suid-Afrika gereis met die musiekblyspel, Buddy Holly, waar sy die rol van Maria-Elena vertolk het. Sy het hoofrolle in 'n verskeie komedies en klugte gespeel: o.a. in die Afrikaanse vertalings van Run For Your Wife / My Vrou Se Man Se Vrou, Blithe Spirit / Die Vryerige Spook. Nadat sy die regie van Houtkruis die Musical se toerproduksie behartig het, het sy self in die musiekblyspel teenoor Franna Benadé en Jolette Odendaal in Die Houtkruis gespeel by die Staatsteater in Pretoria en Artscape Teater in Kaapstad.

Van haar hoogtepunte van haar loopbaan lig Elzette uit:

“En dan natuurlik my heel eerste televisiedrama Die Vlakte Duskant Hebron. Die musiekblyspel The Buddy Holly Story is ook vir my spesiaal, want dis waar ek my man, Joseph ontmoet het.”

Sy het hoofrolle in televisiereekse vertolk soos Die Vierde Kabinet, saam met Gys de Villiers, Arsenaal, saam met Ian Roberts, 7de Laan, Hart van Staal, Binnelanders en Wild at Heart vir die Hallmark Kanaal.

Sedert 2007 het sy haar eie toneelspel meer na die agtergrond geskuif om plek te maak vir vervaardiging en regie van produksies. In 2009 het sy die vertaling, verwerking en regie behartig van Hoe 'n Man Se Kop Werk - 'n Manlike KATarsis, met Altus Theart in die solo komedie.

In September 2010 het sy die regie vir Symphonic Queen in Nederland se Simfonie-orkes gedoen en na agt stede met die produksie getoer. In 2011 het sy die besprekings vir The Queen Experience in Nederland gedoen asook die verloop van die program van die produksie behartig.

Behalwe vir kommersiële teaterwerk, doen Elzette ook korporatiewe teater en privaat produksies.

Produksies

Vervaardiger en regisseur vir The QUEEN Experience met Joseph Clark (Nederland, 2012 & 2013 in Suid-Afrika)
Simply Irresistible met Joseph Clark & Juanita Kruger
Joseph Clark - The Music Of QUEEN (in Suid-Afrika, Italië en Duitsland)
''Vivere'' met Joseph Clark & Jannie Moolman
African Crossing (in Suid-Afrika en Duitsland)
Houtkruis - Die Musical
Joseph Clark & The Gaabo Motho Tenors
Joseph Clark's Valentine's Show
Joseph Clark & Gloria Bosman
Total Eclipse of the Heart met Joseph Clark & Ilse Klink

Filmografie

Rolprent	Wonderlus	Piet se ma	2017
Kortfilm	Arts	Sandra	2016
Rolprent	Skorokoro	Sister Meredith	2016
Rolprent	Mignon Mossie van Wyk	Yvonne Prinsloo	2016
Kortfilm	The Star Gazers	Annie se ma	2015
Rolprent	Ballade vir ŉ Enkeling	Ria Muller	2015
Rolprent	Seun 81457397BG	Aletta van Rensburg	2014
Kortfilm	Almon	Henry se ma	2014
Rolprent	Alles wat Mal is	Catherine Joubert	2014
Rolprent	Die Ballade van Robbie de Wee	Marie de Wee	2013
Televisiereeks	Wild at Heart	Kathryn	2008
Televisiereeks	Binnelanders	Karla Combrink	2005
Televisiereeks	Arsenaal	Addie Muller	2002
Televisiereeks	Die Vierde Kabinet	Steffi Gouws	1998
Televisiefilm	Dark Desires: The Other Side of the Mirror	Mathilde	1997
Televisiereeks	Vierspel	Annette van Wyk	1996
Rolprent	Lipstiek Dipstick	Juf. Gouws	1994
Televisiereeks	Triptiek	Julia Vermeulen	1994
Televisiereeks	Torings	Santie Roodt	1994
Rolprent	Orkney Snork Nie! (nog ŉ movie)	Zelda	1993
Televisiereeks	Die Sonkring II	Dr. Molendorf	1993
Televisiereeks	Die Binnekring II	Kapt. Karen Kuschke	1992
Rolprent	Taxi to Soweto	Susan	1991
Televisiereeks	Die Binnekring I	Kapt. Karen Kuschke	1990
Televisiereeks	Koöperasiestories	Lena van Deventer	1983
Rolprent	Die Vlakte Duskant Hebron	Santie Germishuis	1982
Rolprent	Beloftes van Môre	Heleen Vermeulen	1981

Bronne