Colin Bland

in Wikipedia, die vrye ensiklopedie
Jump to navigation Jump to search
Colin Bland
Volle naam Kenneth Colin Bland
Gebore (1938-04-05)5 April 1938
Bulawayo, Zimbabwe
Gesterf 14 April 2018 (op 80)
Londen, Engeland
Kolfstyl Regshandig
Boulstyl Regterarm mediumvinnig
Internasionale inligting
Nasionale span Suid-Afrika
Loopbaanstatistiek
Kompetisie Toets    1e rang    
Wedstryde 21 131
Lopies aangeteken 1669 7249
Kolfgemiddeld 49.08 37.95
100s/50s 3/9 13/34
Hoogste telling 144 197
Aflewerings geboul 394 3508
Paaltjies 2 43
Boulgemiddeld 62.50 35.27
5 paaltjies in 'n kolfbeurt 0 0
10 paaltjies in 'n wedstryd 0 0
Beste boulontleding 2/16 4/40
Vangskote/Stonkings 10/- 51/-
Bron: [1],

Colin Bland (1938–2018[1]) was 'n krieketspeler en die eerste Suid-Afrikaanse speler wat veldwerk tot ’n kuns kon vervolmaak. Sy spoed, perfekte balans en sterk gooiarm het hom dekades lank ’n rolmodel vir veldwerk gemaak. Hy het in 21 toetse uitgedraf (van 1961 tot 1966) en 1 669 toetslopies teen ’n gemiddeld van 49 lopies per kolfbeurt aangeteken.[2]

Beknopte biografie[wysig | wysig bron]

Kenneth Colin Bland is op 5 April 1938 in Bulawayo in Suid-Rhodesië gebore. Hy is aan die Hoërskool Milton opgelei en maak sy debuut as 'n skoolseun vir Rhodesië teen die Marylebone-krieketklub. Van 1956 tot 1968 het hy 55 keer vir Rhodesië uitgedraf.[3]

Bland speel later in Suid-Afrika vir die Oostelike Provinsie en die Vrystaat se provinsiale spanne. In 1961 word hy tot die Suid-Afrikaanse toetsspan verkies en was 'n gereelde speler tot 1966–1967. Destyds is toetskrieket (as gevolg van sanksies) slegs teen Engeland, Australië en Nieu-Seeland gespeel. As gevolg hiervan was sy loopbaan tot 21 toetse beperk, waarin hy 1669 lopies en 3 honderdtalle behaal. Sy hoogste toetstelling was in 1964–1965 met die tweede toets teen Engeland in Johannesburg. Suid-Afrika was 214 lopies agter, en was 109 vir 4 in die tweede beurt toe Bland instap en 144 lopies (nie uit) in net meer as 4 uur aanteken om die wedstryd te red.[4]

Hy was egter beroemd vir sy veldwerk. Dit word algemeen aanvaar dat hy die beste veldwerker van sy tyd was, en sommige sien hom as die beste ooit, was die verloop van 'n hele wedstryd kon swaai. Hy het Ken Barrington skouspelagtig in die Lord’s Toets van 1965 uitgehardloop, gevolg deur 'n soortgelyke ontslag van Jim Parke, wat Engeland waarskynlik verhinder het om die wedstryd in die eerste beurt te wen.[5] Brian Johnston onthou die 1965-toer, "Vir die eerste keer hoor ek mense sê dat hulle 'n wedstryd moet gaan kyk om 'n veldwerker te sien".[6]

In 1966 was Bland 'n Wisden-krieketspeler van die Jaar, een van slegs twee spelers wat so vereer is (die ander was Stuart Surridge) en word in die meegaande portret uitgebeeld terwyl hy veldwerk doen. Toe Wisden vir Peter van der Merwe in 1999 vra om die top vyf spelers van die twintigste eeu te noem, het hy Colin Bland ingesluit en gesê: "Hy het die houding teenoor veldwerk gerevolusioneer, en 'n standaard gestel wat tot nog toe nie geëwenaar is nie".[7]

Ná die eerste toets van 1966–1967 moes hy weens 'n besering uit toetskrieket tree. Hy het egter tot die seisoen van 1973–1974 eersterangse krieket in Suid-Afrika gespeel.

Verwysings[wysig | wysig bron]

  1. Former SA allrounder Colin Bland dies aged 80”. ESPN Cricinfo. URL besoek op 16 April 2018.
  2. HAT Taal-en-feitegids, Pearson, Desember 2013, ISBN 978-1-77578-243-8
  3. Glen Byrom, ed. (1980), Rhodesian Sports Profiles 1907–1979, Bulawayo: Books of Zimbabwe, pp. 55–59 .
  4. Colin Bland”. www.cricketarchive.com. URL besoek op 24 Januarie 2010.
  5. Christopher Martin-Jenkins. The Complete Who's Who of Test Cricketers, 1980, Orbis Publishing, London. p. 246–247. ISBN 0-85613-283-7. 
  6. Brian Johnston, A Delicious Slice of Johnners, Virgin, 2001, bl. 147.
  7. Matthew Engel, "Five Cricketers of the Century: How They Were Chosen", Wisden Cricketers' Almanack, 2000, bl. 19.