Eersterangse krieket

in Wikipedia, die vrye ensiklopedie
Jump to navigation Jump to search
Eersterangse krieket word altyd in wit uitrustings...
...en met rooi krieketballe gespel

Eersterangse krieket (Engels: First-class cricket) is 'n vorm van krieketspel bestaande uit wedstryde wat vir drie of meer dae geskeduleer is, tussen twee spanne van elf spelers elk. Die wedstryd word amptelik as eersterangs aangewys op grond van die hoë standaard van die mededingende spanne. In sulke wedstryde word spanne toegelaat om twee kolfbeurte elk te speel; alhoewel in die praktyk, 'n span moontlik net een beurt kan kolf (weens 'n groot oorwinning), of glad nie kolf nie (weens die weer/wedstryd afgelas).

Alhoewel toetskrieket die hoogste standaard van krieket verteenwoordig, is dit self 'n vorm van eersterangse krieket. Die term "eersterangs" word egter meer algemeen gebruik om te verwys na plaaslike/binnelandse kompetisies. 'n Speler se eersterangse statistiek sluit sy vertonings in toetswedstryde in.

As gevolg van die tydseise van eersterangse kompetisies is die spelers meestal betaalde professionele sportslui, maar in historiese opsig neem baie amateurspelers ook daaraan deel. Eersterangse spanne verteenwoordig gewoonlik 'n geopolitieke streek, soos 'n Engelse graafskap, 'n Australiese deelstaat, 'n Suid-Afrikaanse provinsie, 'n Nieu-Seelandse provinsie of 'n Wes-Indiese eilandstaat.

Plaaslik[wysig | wysig bron]

Vandag beskik al die twaalf toetsnasies oor minstens een plaaslike eersterangse kriekettoernooi.

Nasie Liga(s)
Vlag van Afghanistan Afghanistan Ahmad Shah Abdali 4-day Tournament
Vlag van Australië Australië Sheffield Shield
Vlag van Bangladesj Bangladesj National Cricket League
Vlag van Engeland Engeland County Championship
Flag of Ireland Ierland Inter-Provincial Championship
Vlag van Indië Indië Ranji Trophy
Duleep Trophy
Irani Cup
Vlag van Nieu-Seeland Nieu-Seeland Plunket Shield
Vlag van Pakistan Pakistan Quaid-e-Azam Trophy
Vlag van Sri Lanka Sri Lanka Premier Trophy
Vlag van Suid-Afrika Suid-Afrika Sunfoil Series
Provincial Three-Day Challenge
Flag of West Indies Wes-Indië Regional Four Day Competition
Vlag van Zimbabwe Zimbabwe Logan Cup