Constand Viljoen

in Wikipedia, die vrye ensiklopedie
Jump to navigation Jump to search
Constand Laubscher Viljoen

Leier van die Vryheidsfront Plus
Ampstermyn
1 Maart 1994 – 26 Junie 2001
Opgevolg deur Pieter Mulder

Lid van die Parlement
Ampstermyn
1994 – 2001

Persoonlike besonderhede
Gebore (1933-10-28)28 Oktober 1933
Standerton, Transvaal, Unie van Suid-Afrika
Sterf 3 April 2020 (op 86)
Ohrigstad, Limpopo, Suid-Afrika
Politieke party Nasionale Party (voor 1994)
Vryheidsfront Plus (1994–2001)
Eggenoot/eggenote Christina "Ristie" Heckroodt
Kind(ers) 5
Alma mater Universiteit van Pretoria
Religie Nederduits Gereformeerde Kerk

Militêre Diens
Lojaliteit Vlag van Suid-Afrika Suid-Afrika
Diens/Tak Suid-Afrikaanse Weermag
Jare in diens 1956–1985
Rang Generaal
Eenheid Hoof van die Suid-Afrikaanse Weermag
Oorloë/Veldslae Suid-Afrikaanse Grensoorlog
Toekennings Orde van die Ster van Suid-Afrika
Suiderkruis-dekorasie
Suid-Afrikaanse Polisiediens Ster vir Uitstaande Diens
Suiderkruis-medalje

Constand Laubscher Viljoen (28 Oktober 1933 – 3 April 2020) SSA SD SOE SM was ʼn voormalige Hoof van die Suid-Afrikaanse Weermag en later die stigter van die Vryheidsfront.

Vroeë lewe[wysig | wysig bron]

Constand Viljoen is op 28 Oktober 1933 gebore en ontvang sy skoolopleiding aan die Laerskool Perdekop en Hoërskool Standerton. Hy sluit daarna by die Suid-Afrikaanse Weermag aan en behaal die graad B.Sc (B.Mil) aan die Universiteit van Pretoria in 1955.[1]

Loopbaan[wysig | wysig bron]

Viljoen word bevorder tot Luitenant-Generaal in 1976 en Generaal in 1980. In 1977 word hy Hoof van die Suid-Afrikaanse Leër en in 1980 die Hoof van die Suid-Afrikaanse Weermag tydens die moeilike grensoorlogdae. Hy tree in 1985 af by die weermag om voltyds te boer in die Ohrigstad omgewing. In 1993 tree Viljoen tot die politiek toe saam met nog drie ander oud-generaals en help met die stigting van die Afrikaner Volksfront.

Kórt voor die Suid-Afrikaanse algemene verkiesing van 1994 stig Viljoen die Vryheidsfront as politieke party vir die Afrikaners. Dié party beywer hom vir die daarstel van ʼn Afrikanervolkstaat. Deur bemiddeling van sy tweelingbroer prof Abraham Carel (Braam) Viljoen word hy oorreed om af te sien van sy ideale vir 'n afsonderlike Volkstaat, en tree die broers toe tot geheime onderhandelinge met Nelson Mandela van die ANC. Die Vryheidsfront wen 640 000 stemme met Viljoen as leier.

In 2001 tree Viljoen uit die aktiewe politiek en as leier van die Vryheidsfront, en spits hom op sy boerdery toe. Hy sterf op 3 April 2020 in Ohrigstad.[2]

Verwysings[wysig | wysig bron]

  1. "Viljoen, Constand Laubscher – The O'Malley Archives". omalley.nelsonmandela.org (in Engels). Geargiveer vanaf die oorspronklike op 3 Oktober 2018. Besoek op 27 Augustus 2018.
  2. "General Constand Viljoen passes away aged 86" (in Engels). The Citizen. 3 April 2020. Geargiveer vanaf die oorspronklike op 5 April 2020. Besoek op 3 April 2020.

Bron[wysig | wysig bron]