Dieregeluide
Dieregeluide is werkwoorde wat ingespan word om die geluide wat diere maak te beskryf. Die woorde is dikwels 'n nabootsing van die klank wat die diere uiter. Die interpretasie van hierdie geluide verskil egter van taal tot taal. Enkele voorbeelde ter illustrasie:
- Die voëls kwetter in die bome.
- As die leeu brul, staan die wêreld stil en luister.
Voorbeelde
[wysig | wysig bron]Van die verskillende geluide sluit in:[1][2]
- 'n Aap blaf (babbel)[3]
- 'n Akkedis piep.[3]
- 'n Beer brom[3] of grom.
- 'n Bees bulk.[3]
- 'n Besie sing.[3]
- 'n Bobbejaan blaf[3] of bôgom.
- 'n Bok blêr, bê.
- 'n Bul bulk[4] of brul[3]
- 'n By zoem[3] of gons[3][4]
- 'n By, brommer, vlieg of insekte – gons.
- 'n Donkie balk.[3]
- 'n Duif koer,[3] kir of roekoek.
- 'n Eend kwaak[3] of snater.[3]
- 'n Esel balk.[3]
- 'n Gans gaggel,[3] snater[3] of blaas.[3]
- 'n Haan kraai.[3]
- 'n Hen kekkel[3] of kloek.
- 'n Hiëna lag of huil.[3]
- 'n Hond blaf,[3] tjank, kef, grom, knor[3] of huil.
- 'n Jakkals tjank[3] of skree.[4]
- 'n Kalkoen koel-koel.[3]
- 'n Kanarie fluit.[3]
- 'n Kangaroe hoes.[3]
- 'n Kat miaau,[3] spoeg, snor of spin.[3]
- 'n Katvis blaas.[3]
- 'n Kiewiet skree.[4]
- 'n Koei loei of bulk[3]
- 'n Korhaan skreeu.[3]
- 'n Kraai of Raaf kras[3] of krys.
- 'n Kriek kriek[3] of tjir.
- 'n Kuiken piep.[3]
- 'n Lam blêr.[3]
- 'n Makou blaas.[3]
- 'n Muis piep.[3]
- 'n Meeu krys of gier.
- 'n Olifant trompetter[3] of ronk.
- 'n Os bulk.[4]
- 'n Padda kwaak.[3]
- 'n Perd runnik.[3]
- 'n Ratel snuif.[3]
- 'n Renoster snork.[3]
- 'n Slang sis.[3]
- 'n Skaap blêr, bê.
- Sonbesies sing of skree.
- 'n Tier grom [4] of brul.[3]
- 'n Uil roep, hoe-hoe[3] of steun.[4]
- 'n Vark snork[3] of knor.
- 'n Vink kwetter.[3]
- 'n Volstruis brom.[4][3]
- 'n Wildegans gier.
- 'n Wildsbok proes.[4]
- 'n Wolf huil.[3]
Sien ook
[wysig | wysig bron]- Werkwoord, woorde wat die handeling (aksie) van 'n sin beskryf.
Verwysings
[wysig | wysig bron]- ↑ Die Groot Geïllustreerde Ensiklopedie, Lewende Wêreld, Afdeling Diere bl. 84, 1996. Human & Rousseau
- ↑ "argiefkopie". Geargiveer vanaf die oorspronklike op 22 Oktober 2011. Besoek op 20 Oktober 2011.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 3,15 3,16 3,17 3,18 3,19 3,20 3,21 3,22 3,23 3,24 3,25 3,26 3,27 3,28 3,29 3,30 3,31 3,32 3,33 3,34 3,35 3,36 3,37 3,38 3,39 3,40 3,41 3,42 3,43 3,44 3,45 3,46 3,47 3,48 Potgieter, J.S. & Van Rooyen, P.G. 1981. Die Suid-Afrikaanse leerlinggids. Vierde uitgawe. ISBN 0-623-01377-0. Pretoria: Maskew Miller, bl. 88.
- ↑ 4,0 4,1 4,2 4,3 4,4 4,5 4,6 4,7 4,8 Groenewald, P.W.J. 1944. Praat en skryf Afrikaans: hulpboek vir Engelssprekende leerlinge. Shuter and Shooter Publishers: Pietermaritzburg. bl.152