Digitale Biblioteek vir Nederlandse Letterkunde

in Wikipedia, die vrye ensiklopedie
Jump to navigation Jump to search

Die Digitale Biblioteek vir Nederlandse Letterkunde (Nederlands: Digitale Bibliotheek voor de Nederlandse Letteren, afgekort as DBNL) is 'n webwerf (afgekort as dbnl) oor die Nederlandse taal en -letterkunde. Dit bevat duisende literêre tekste, sekondêre literatuur en bykomende inligting soos biografieë. Die DBNL is 'n inisiatief van die DBNK-stigting en is in 1999 van stapel gestuur deur die Maatschappij der Nederlandse Letterkunde.[1]

Die skep van die DNBL is moontlik gemaak deur skenkings van onder andere die Nederlandse Organisatie voor Wetenschappelijk Onderzoek (NWO) en die Nederlandse Taalunie. René van Stipriaan was van 2008 tot 2012 die redakteur.[2] Die daaglikse werksaamhede van die DBNK word verrig deur agt persone in Leiden (met ingang 2013: Den Haag), 20 studente, en 50 persone in die Filippyne wat die tekste skandeer en intik.[2]

Met ingang 2020 word die biblioteek onderhou deur die Taalunie, Vlaamse Erfgoedbibliotheek en die Koninklike Biblioteek van die Nederlande.[3]

Basiese biblioteek: 1,000 sleuteltekste[wysig | wysig bron]

Die DBNL bevat, of sal in die nabye toekoms, die volledige 1,000 sleuteltekste van die Nederlandse- en Vlaamse kulturele geskiedenis bevat. Die voorsitter van die komitee wat die 1000 sleuteltekste gekies het is Paul Schnabel. Nietemin ontbreek sommige klassieke tekste uit die Nederlandse letterkunde soos Gerard Reve se 1947-roman, De avonden en Willem Frederik Hermans se 1966-roman Nooit meer slaap nie as gevolg van kopiereg uitdagings.

Verwysings[wysig | wysig bron]

  1. "Over de MdNL". Maatschappij der Nederlandse Letterkunde (in Nederlands). Besoek op 9 Junie 2020.
  2. 2,0 2,1 Somers, Maartje (4 April 2008). "Van abel spel tot Achterhuis: de basisbibliotheek - het Nederlands erfgoed in duizend sleutelteksten". NRC Handelsblad, p. 10-14 (in Nederlands). Besoek op 22 Oktober 2017.
  3. "Over DBNL". Digitale Bibliotheek voor de Nederlandse Letteren (in Nederlands). Besoek op 9 Junie 2020.

Eksterne skakels[wysig | wysig bron]