Duiwelspiek

in Wikipedia, die vrye ensiklopedie
Spring na: navigasie, soek
Duiwelspiek
Duiwelspiek soos vanaf Tafelberg gesien.
Duiwelspiek soos vanaf Tafelberg gesien.
Ligging Wes-Kaap, Suid-Afrika
Hoogte 1 000 meter
Koördinate 33°56′S 18°23′O / 33.933°S 18.383°O / -33.933; 18.383Koördinate: 33°56′S 18°23′O / 33.933°S 18.383°O / -33.933; 18.383
Ligging van Duiwelspiek op 'n kaart (Suid-Afrika)
Duiwelspiek
Duiwelspiek

Duiwelspiek is deel van die Tafelbergreeks in Kaapstad, Suid-Afrika. Indien die piek vanaf die hawe suidwaarts besigtig word, is die spitspunt van Duiwelspiek links van die plat tafelkop van Tafelberg, waarna die koepel van Leeukop en dan Seinheuwel volg.

Duiwelspiek vanuit Nuweland-krieketveld gesien

Die oorspronklike Kaapstad-nedersetting (wat deesdae die stadskern, of "Stadskom" is) lê in die natuurlike amfiteater wat deur hierdie kenmerke gevorm word.

Duiwelspiek, soos die res van hierdie heuwels, is gevorm uit Tafelbergsandsteen. Onder dit lê graniet en skalie, maar hierdie materiale word nie op Duiwelspiek se hange gevind nie.

Duiwelspiek staan 1 000 meter (3 821 voet) hoog, minder as Tafelberg se 1 087 meter. Die plantegroei op die hange is tipiese Kaapse fynbos.

Aan die suidekant van Duiwelspiek is die Rhodes-gedenkteken, 'n aandenking aan Cecil Rhodes, asook die Universiteit van Kaapstad wat oor die Suidelike Voorstede van Kaapstad uitkyk: oor die Kaapse Vlakte na Stellenbosch, Somerset-Wes en die Hottentots-Hollandberge in die verte.

Benaming[wysig | wysig bron]

Himalajathargeit op die Duiwelspiek

'n Kopergrafure uit Jürgen (of Georg) Andersen se reisbeskrywing van 1644 dui Duiwelspiek aan as die Blaseballch, oftewel Blaasbalk.[1] Die berg se eerste amptelike naam was egter Windberg, maar dit is Duiwelsberg genoem deur die inwoners as 'n soort bynaam. Al hierdie name kan moontlik verbind word met die idee dat die berg vir die stormagtige suidoostewind verantwoordelik was wat baie skade aan skepe in Tafelbaai aangerig het. Terwyl daar eintlik 'n suidwestewind gewaai het, het die berg die wind gedraai sodat 'n suidooster gevorm word wanneer dit by die berg verbytrek.

In Nederlands het die berg nooit Duiwelspiek geheet nie, maar eerder Duiwelsberg. Vroeg in die 19e eeu het die Engelse benaming Devil's Peak egter in gebruik gekom, en Duiwelspiek is waarskynlik 'n direkte vertaling hiervan.[2]

Daar bestaan ook 'n volkslegende wat die benaming op 'n ander manier verduidelik. Duiwelspiek se naam kom uit 'n volksverhaal oor 'n man genaamd Van Hunks.

Sien ook[wysig | wysig bron]

Verwysings[wysig | wysig bron]

  1. Biblioteek kry kosbare Afrikana, Lorinda de Klerk, Matieland 2:88, Jaargang 32, ISSN 0025-5947, bladsy 27
  2. H. Liebenberg, Die ontstaan van Kaapse plekname, Deel van die projek: TRANSKRIBERING VAN VOC-DOKUMENTE IN KAAPSTADSE ARGIEFBEWAARPLEK

Eksterne skakels[wysig | wysig bron]