Edelweiss

in Wikipedia, die vrye ensiklopedie
Jump to navigation Jump to search
Edelweiss
Nabyskoot van blom.
Bewaringstatus

Status iucn3.1 LC af.svg
Veilig (IUBN 3.1)

Wetenskaplike klassifikasie
Koninkryk: Plantae
(klade): Angiosperms
(klade): Eudicots
(klade): Asterids
Orde: Asterales
Familie: Asteraceae
Tribus: Gnaphalieae
Genus: Leontopodium
Spesie: L. nivale
Binomiale naam
Leontopodium nivale
(Ten.) Huet ex Hand.-Mazz.

Die edelweiss (Leontopodium nivale) is 'n hooggebergteplant van die familie Compositae (saamgestelde blomme). Die plante word in Europa onder meer op die Alpe, die Apennyne, die Pireneë en die Karpate aangetref, asook in Sentraal-Asië.

Die stingel en lansetvormige blare is met silwerkleurige, wollerige hare bedek, en die klein, bleekgeel blomhofies (tussen 2 en 10) staan dig opmekaar in die middel van wit skutblare.

Die edelweiss (Leontopodium alpinum) is 'n meerjarige kruid en word tussen 5 en 20 cm hoog. Dit word dikwels tot op 'n hoogte van 3500 m bo seespieël aangetref, maar selde laer as 1 500 m.

Toeriste het op so 'n groot skaal dié plante op maklik bereikbare plekke uitgeroei dat hulle eintlik nog net in onherbergsame plekke aangetref word. Hierdie blom het al feitlik simbolies van die Alpe geword. Daar is talle verhale oor bergklimmers wat hul lewe gewaag het om een van hierdie skaars blommetjies te pluk. Die Alpynse lande moes reeds streng beskermingswette maak om die edelweiss, die landsblom van Switserland, van algehele uitwissing te red.

Bronnelys[wysig | wysig bron]