El Alto Internasionale Lughawe
| El Alto Internasionale Lughawe Aeropuerto Internacional El Alto | |||
|---|---|---|---|
| |||
| Hoofterminaal | |||
| IATA: LPB – ICAO: SLLP | |||
| Opsomming | |||
| Tipe lughawe | Openbaar / Militêr | ||
| Eienaar | Regering van Bolivië | ||
| Operateur | Navegación Aérea y Aeropuertos Bolivianos (NAABOL) | ||
| Bedien | La Paz, Bolivië | ||
| Ligging | El Alto, Bolivië | ||
| Fokuspunt vir | Boliviana de Aviación | ||
| Hoogte bo seevlak | 4 061,5 m / 13 325 vt | ||
| Koördinate | 16°30′48″S 068°11′32″W / 16.51333°S 68.19222°W | ||
| Webtuiste | |||
| Landkaart | |||
  LPB | |||
| Aanloopbane | |||
| Rigting | Lengte | Oppervlak | |
| m | vt | ||
| 10R/28L | 4 000 | 13 123 | Teerbeton |
| 10L/28R | 2 050 | 6 725 | Gras |
| Statistieke (2013) | |||
| Passasiers | 1 793 668 | ||
| Bron: SABSA,[1] Airport Statistics | |||
El Alto Internasionale Lughawe (IATA: LPB, ICAO: SLLP) is 'n internasionale lughawe wat La Paz, Bolivië bedien. Dit is geleë in die stad El Alto,[2] 13 km wes van La Paz.[3] Op 'n hoogte van 4 061,5 meter (13 325 vt), is dit die hoogste internasionale lughawe ter wêreld, die sewende hoogste kommersiële lughawe ter wêreld en die hoogste kommersiële lughawe buite China.[4]
Die lughawe is sedert die eerste helfte van die 20ste eeu in diens, maar is in die laat 1960's gemoderniseer, toe sy aanloopbaan verleng is en 'n nuwe passasiersterminaal met moderne geriewe gebou is. Die nuwe lughawe is in 1965 ingewy.[5] El Alto-lughawe was 'n primêre spilpunt vir die voormalige Lloyd Aéreo Boliviano, Bolivië se vlagskipredery wat sy bedrywighede in 2007 gestaak het. Dit dien ook as 'n fokusstad vir Boliviana de Aviación, Bolivië se vlagskipredery in staatsbesit.[6]
Modernisering
[wysig | wysig bron]In 2006 het SABSA byna 2,3 miljoen dollar in die herbou van die hoofterminaal belê.[7] Werk aan die nuwe terminaal bestaan uit die vergroting, hervorming en konstruksie van die bagasie-afhaalkamer, die inweegarea en die gang na die lugbrûe. Die administratiewe kantore van AASANA sowel as die hoofsaal en die internasionale area is heeltemal gemoderniseer.[7]
Die nuwe terminaal bevat verskeie winkels wat Boliviaanse handwerk aanbied, sowel as boekwinkels en belastingvrye winkels. Daar is ook restaurante en kafees in die hoofportaal en in beide die plaaslike en internasionale vertrekareas.
El Alto is die wêreld se hoogste internasionale lughawe, geleë op 4 062 meter bo seespieël. Die gemiddelde temperatuur by die lughawe is 6°C. As gevolg van die dun lug op hierdie hoë hoogte, kan die meeste kommersiële wyerompvliegtuie soos die Boeing 747 en Airbus A330 nie met 'n volle vrag vanaf El Alto Internasionale Lughawe opstyg nie. Gevolglik werk baie van die internasionale verkeer na en van Bolivië vanaf die Viru Viru Internasionale Lughawe in Santa Cruz de la Sierra wat op 'n baie laer hoogte geleë is, wat swaar vliegtuie se bedrywighede moontlik maak.
Vlugtoetsing
[wysig | wysig bron]As een van die wêreld se hoogste lughawens, bied El Alto kenmerke wat deur vliegtuigvervaardigers soos Airbus, Bombardier en Boeing benut word om opstyg en landing op hoë hoogte te toets. Moderne vliegtuie soos die Airbus A350, Airbus A330neo en Boeing 787 Dreamliner het El Alto gebruik om vlugtoetse vir hul sertifiseringsprosesse uit te voer.[8][9]
Verwysings
[wysig | wysig bron]- ↑ "Sabsa - Aeropuerto El Alto". Geargiveer vanaf die oorspronklike op 31 Mei 2011. Besoek op 31 Oktober 2017.
- ↑ "El Alto - La Paz". Besoek op 31 Oktober 2017.
- ↑ "La Paz Airport (LPB) guide to buses, taxis and trains at El Alto International Airport". www.wordtravels.com. Geargiveer vanaf die oorspronklike op 27 September 2011. Besoek op 1 Julie 2011.
- ↑ "The Highest International Airport in the World - Grand Escapades". 26 Oktober 2007. Geargiveer vanaf die oorspronklike op 13 Desember 2013. Besoek op 8 Desember 2013.
- ↑ "El Alto Airport and La Paz" (in Spaans). Geargiveer vanaf die oorspronklike op 26 Maart 2012. Besoek op 31 Oktober 2017.
- ↑ "AeroSur Hub". Geargiveer vanaf die oorspronklike op 17 Maart 2012.
- ↑ 7,0 7,1 (in Spaans) http://www.mirabolivia.com/foro_total.php?id_foro_ini=51639 Geargiveer 14 Julie 2011 op Wayback Machine
- ↑ "Airbus demonstrates A330neo performance during high-altitude test campaign | Airbus". www.airbus.com (in Engels). 11 Junie 2024. Besoek op 3 November 2024.
- ↑ "Boeing 787 Nears FAA Approval as Flight Tests Are Completed". www.bloomberg.com. 17 Augustus 2011. Geargiveer vanaf die oorspronklike op 19 Oktober 2017.
Eksterne skakels
[wysig | wysig bron]
Wikimedia Commons het meer media in die kategorie El Alto Internasionale Lughawe.
