Elgin
Elgin (Koffiekraal) | |
|---|---|
  Elgin | |
| Koördinate: 34°8′55″S 19°2′34″O / 34.14861°S 19.04278°O | |
| Land |  Suid-Afrika |
| Provinsie | Wes-Kaap |
| Distriksmunisipaliteit | Overberg |
| Plaaslike Munisipaliteit | Theewaterskloof |
| Tydsone | UTC+2 (SAST) |
| Poskode | 7180 |
Elgin is ‘n landboustreek in die Overberg en veral bekend om sy appelplase.
Ligging
[wysig | wysig bron]Elgin lê in die Overberg-distriksmunisipaliteit, oos van die Hottentots-Hollandberge en suid van die Groenlandberg. Dit is ‘n 70km suidoos van Kaapstad en langs die pad tussen Grabouw en Villiersdorp en die spoorlyn na Caledon. Die Palmietrivier loop verby die plaas Glen Elgin.
Boerdery
[wysig | wysig bron]Die gebied lê hoog en ondervind koue en nat winters en matige somers. Daar word met sagtevrugte, aartappels, varke en snyblomme geboer. Plantasies lewer hout. Sedert 1966 word op die plaas Applethwaite appelsap uit oorskiet appels vervaardig. Verskeie verpakkingsbedrywe en koelkamers is hier gevestig.
Geskiedenis
[wysig | wysig bron]Aanvanklik was die gebied bekend onder die name Groenland en Koffiekraal. Laasgenoemde was ‘n uitspanning vir die ossewaens na hul trek oor die berge op pad na die noorde. Later jare was die uitspanning deel van die plaas Glen Elgin, die eiendom van Edward en Henry Molteno, die seuns van die eerste premier van die Kaapkolonie, John Molteno (1814-1886). Toe die spoorlyn in 1902 verleng word, skenk die Molteno-broers uit eie belang ‘n stuk grond van hul plaas aan die Cape Government Railways vir ‘n stasie. Daarom is die stasie ‘n 2 km van die dorp Grabouw aangelê. Weens die ekonomiese bedrywighede wat rondom die stasie ontwikkel het, het die naam Elgin deur die jare al meer bekend geword en dui dit nou ‘n landstreek aan met Grabouw as hoofdorp.
