Krummelgras

in Wikipedia, die vrye ensiklopedie
(Aangestuur vanaf Eragrostis echinochloidea)
Jump to navigation Jump to search

Krummelgras
Die Futterpflanzen Deutsch-Südwestafrikas und Analysen von Bodenproben - botanische und chemische Untersuchungen (1914) (20730579419).jpg
Wetenskaplike klassifikasie
Koninkryk:
(klade):
(klade):
(klade):
Orde:
Familie:
Subfamilie:
Tribus:
Subtribus:
Genus:
Eragrostis
Spesie:
Eragrostis echinochloidea

Stapf

Krummelgras (Eragrostis echinochloidea Stapf) is 'n grasspesie wat inheems is aan Suid-Afrika (Limpopo, Noord-Wes en Noord-Kaap). Op die SANBI-rooilys is dit as 'veilig' (LC) gelys.[1] Dit kom ook in Zimbabwe, Botswana en Namibië voor.

Dit is 'n meerjarige onvertakte polgras wat regop of knielend groei. Die blaarskedes is gekield en papieragtig en die blaarrande het versonke kliertjies. Die bloeiwyse is 'n nouliks vertakte pluim met diggepakte stekeltjies op alleenstaande takkies. Die stekeltjies is vir mense en bobbejane eetbaar. Hierdie spesie is droogtebestand en groei op versteurde veld of klipperige hellings.[2]

In Deception Valley, een van die drie droë rivierbeddings wat die Sentraal Kalahari Wildreservaat van Botswana deursny, is hierdie spesie saam met Enneapogon desvauxii en Sporoborus iocladus die volopste grasspesie wat die rivierbedding in die reëntyd (tussen November en April/Mei) bedek.[3]

Beweiding[wysig | wysig bron]

Die beweidingswaarde is matig

EIW SWIW LnregWIW
Weidingsindekswaarde[4] 4 4.5 2.12

Verwysings[wysig | wysig bron]