Eshowe

in Wikipedia, die vrye ensiklopedie
Jump to navigation Jump to search
Eshowe
Fort Nonquai in Eshowe
Fort Nonquai in Eshowe
Eshowe is in KwaZulu-Natal
Eshowe
Eshowe
 Eshowe se ligging in KwaZulu-Natal
Koördinate: 28°53′18″S 31°26′54″O / 28.88833°S 31.44833°O / -28.88833; 31.44833Koördinate: 28°53′18″S 31°26′54″O / 28.88833°S 31.44833°O / -28.88833; 31.44833
LandVlag van Suid-Afrika Suid-Afrika
ProvinsieKwaZulu-Natal
DistrikKing Cetshwayo
MunisipaliteituMlalazi
Stigting1880[1]
Oppervlak
 • Totaal18,23 km2 (7 04 vk, m,)
Bevolking
 (2011)[2]
 • Totaal14 744
 • Digtheid809/km2 (2 100/vk, m,)
Rasverdeling (2011)
 • Blank7.4%
 • Indiër/Asiër4.6%
 • Kleurling5.0%
 • Swart82.7%
 • Ander0.4%
Taal (2011)
 • Zoeloe 75.8%
 • Engels 17.5%
 • Afrikaans 2.9%
 • Ndebele 1.2%
 • Ander 2.6%
Poskode (strate)
3815
Poskode (posbusse)
3815
Skakelkode035

Eshowe is die oudste Europese nedersetting in Zoeloeland. Dit lê in die KwaZulu-Natal-provinsie, Suid-Afrika, 26 km noordwes van Gingindlovu. Die dorp lê op 'n plato wat 500 m hoër is as die vogtige kusvlakte; dit is die rede waarom die Zoeloes sê dat dit altyd koel is in Eshowe. Die dorp het 'n bevolking van 14 744 in 2011 gehad.

Geskiedenis[wysig | wysig bron]

Die dorp het in 1887 begin as die standplaas van die landdros toe Zoeloeland deur Brittanje geannekseer is en Eshowe die hoofstad geword het. Eshowe is in 1915 tot 'n dorp en in 1954 tot 'n munisipaliteit verklaar. Eshowe se geskiedenis is egter ouer as 1887. Reeds in 1860 het Zoeloekoning Cetshwayo 'n kraal in die gebied gebou wat hy Eziqwaqweni ('die plek van die rowers') genoem het. Hy het ook vir eerwaarde Ommund Oftebro 'n sendeling van Noorweë, toestemming verleen om 'n sendingstasie te stig. Die stasie was KwaMondi genoem ('die plek van Mondi'). Mondi is 'n Zoeloevervorming van Oftebro se voornaam.

In 1879, tydens die Anglo-Zoeloe-oorlog het die Britse magte die sendingstasie beset. Hulle het beplan om die Zoeloemagte by Ulundi hiervandaan aan te val. Ulundi was sowat 100 km verder. Die Zoeloes het egter die Britse magte in Eshowe vir 10 weke beleër. Die beleg is op 3 April 1879 deur lord Chelmsford en sy magte opgehef. Die Zoeloes kon tog daarin slaag om die sendingstasie af te brand.

Distrik[wysig | wysig bron]

Die distrik is 1 770 km² groot en suikerriet is die belangrikste ekonomiese aktiwiteit.

Hier gebore[wysig | wysig bron]

Sien ook[wysig | wysig bron]

Bronne[wysig | wysig bron]

  1. "Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 13 Julie 2019.
  2. 2,0 2,1 2,2 2,3 "Hoofplek Eshowe". Sensus 2011.

Eksterne skakels[wysig | wysig bron]