Empangeni

Empangeni
Dorp
Straat in Empangeni
Empangeni  Empangeni se ligging in KwaZulu-Natal
Koördinate: 28°45′S 31°54′O
Land	Suid-Afrika
Provinsie	KwaZulu-Natal
Distrik	King Cetshwayo
Munisipaliteit	uMhlathuze
Stigting	1851
Oppervlak
• Totaal	154,47 km2 (59,64 vk. myl)
Bevolking  (2011)
• Totaal	110 340
• Digtheid	714/km2 (1 850/vk. myl)
Rasverdeling (2011)
• Wit mense	5.9%
• Indiërs/Asiërs	5.9%
• Bruin mense	0.8%
• Swart mense	91.3%
• Ander	0.2%
Taal (2011)
• Zoeloe	84.5%
• Engels	7.9%
• Afrikaans	3.6%
• Ander	2.7%
Poskode (strate)	3880
Poskode (posbusse)	3880
Skakelkode	035

Empangeni (ook bekend as eMpangeni) is 'n dorp in die ooste van KwaZulu-Natal, Suid-Afrika. Die dorp lê 160 km noord van Durban, en 23 km wes van Richardsbaai op die kus, aan die binneland langs die N2.

Geskiedenis

Die dorp het in 1851 ontstaan toe die Noorweegse Sendinggenootskap 'n stasie in die vallei van 'n stroompie met die naam Mpamgeni gestig het. Die sendingstasie is later na Eshowe geskuif maar 'n nuwe landdroskantoor is in 1894 op dieselfde plek geopen. Die noordkusspoorlyn het die dorp in 1903 bereik. Die eerste bloekomplantasies is in 1905 deur die staat aangeplant en die eerste suikermeule is in 1913 gebou. Empangeni is eers in 1931 amptelik tot dorpsgebied verklaar.

Omgewing

Empangeni is die kommersiële, nywerheids- en kommunikasiesentrum vir die distrik waar groot hoeveelhede hout en suikerriet verbou word. Die Enseleni-natuurreservaat is 14 km noordoos van die dorp.

Sien ook

• Gereformeerde kerk Empangeni
• Lys van dorpe in Suid-Afrika

Bronne

• Op Pad in Suid-Afrika. B.P.J. Erasmus. 1995. ISBN 1-86842-026-4
• Ensiklopedie van Suidelike Afrika, Eric Rosenthal, 1967

Eksterne skakels

• Wikimedia Commons het meer media in die kategorie Empangeni.