Frederik III van Sakse

in Wikipedia, die vrye ensiklopedie
Jump to navigation Jump to search
Frederik III van Sakse
Keurvors van Sakse
Landgraaf van Thüringen
Keiser Maksimiliaan I geskilder deur Lucas Cranach
Frederik III van Sakse geskilder deur Lucas Cranach
Dinastie Wettin
Bewind 26 Augustus 14865 Mei 1525
Gebore (1463-01-17)17 Januarie 1463
Torgau, Sakse
Gesterf 5 Mei 1525 (op 62)
Lochau, Oostenryk
Schlosskirche, Wittenberg
Voorganger Ernst van Sakse
Opvolger Johan die Standvastige
Vader Ernst van Sakse
Moeder Elisabeth van Beiere

Frederik III van Sakse (Torgau, 17 Januarie 1463Lochau, 5 Mei 1525), die Wyse genoem, was die oudste seun van keurvors Ernst van Sakse en Elisabeth van Beiere.

In 1486 het hy op 23-jarige leeftyd sy afgestorwe vader as Keurvorstedom Sakse opgevolg, maar die bestuur van die uitgebreide gebied is ook deur sy jonger broer Johan behartig.

In 1493 het Frederik in die geselskap van verskeie ander Duitse adel 'n pelgrimstog na die Heilige Land onderneem. Hiertydens is hy in Jerusalem tot ridder in die Orde van die Heilige Graf geslaan. In sy eie land het hy Lucas Cranach as hofskilder in diens geneem.

In 1502 het hy in Wittenberg die universiteit opgerig waar onder andere Martin Luther gedoseer het. Luther se idees aangaande die geldsugtige pousdom, benewens die ongebreidelde magslus van keiserlike gesag, het sodanig by Frederik III byval gevind dat hy tot steunbetuiging van, en hulpverlening aan Martin Luther oorgegaan het. Daartoe is hy eerder uit politieke oorwegings as 'n ooreenstemming met Luther se teologiese idees beweeg, wat Frederik minder kon onderskryf.

Hierdie oogmerke het bygedra tot sy weiering om Luther se veroordeling as ketter te erken, en sy optrede as Luther se beskermheer toe Luther in 1521 voor die Ryksdag gedaag is.

Alhoewel hy die protestantse hervorming ondersteun het, sou hy sy lewe lank 'n oortuigde Katoliek bly. By sy dood het hy egter die nagmaal-sakrament in albei vorme (brood en wyn) geneem, wat as 'n bekentenis van protestantisme beskou is. Danksy Frederik se politiek kon die hervorming standhou.

Frederik III het ongetroud gebly en is met sy dood in 1525 deur sy jonger broer Johan opgevolg.