Gentile da Fabriano

in Wikipedia, die vrye ensiklopedie
Jump to navigation Jump to search
Gentile da Fabriano
’n Beeld van die betrokke persoonlikheid.
Aanbidding van die Magi (1423)

Geboortenaam Gentile di Nicolò di Giovanni
Gebore c. 1370
Fabriano, Pouslike state
Oorlede c. 1420
Rome, Pouslike State
Nasionaliteit Italiaans
Beroep Skilder

Gentile da Fabriano,[1][2][3] Italiaans: [dʒenˈtiːle da (f)fabriˈaːno].}} (c. 1370 – c. 1427) was 'n Italiaanse skilder wat bekend was om sy werke in die styl wat bekend staan as die Internasionaal Gotiese-styl. Hy het in verskeie plekke in Sentraal-Italië gewerk.(meestal in Toskane). Sy bekendste werke is sy Aanbidding van die Magi van die Strozzi Altaarstuk (1423), en die Vlug na Egipte.

Lewe en loopbaan[wysig | wysig bron]

Pseudo-Arabiese skrif in die Maagd Maria se halo (ikonografie), detail van Aanbidding van die Magi (1423) deur Gentile da Fabriano. Die skrif is verder verdeel deur rosette (ontwerp) soortgelyk aan die wat op Mamloek borde gevind word,[4] uitgevoer in pastiglia

Gentile was in of naby Fabriano, in die Marche gebore. Sy moeder het vermoedelik iewers voor 1380 gesterf, en sy vader, Niccolò di Giovanni Massi, het hom in dieselfde jaar in 'n klooster gevestig waar hy in 1385 dood is. Min is bekend van sy vormingsjare: een van sy eerste bekende werke, 'n Madonna met Kind (c. 1395 - 1400, nou in Berlyn) toon die invloed van noord-Italiaanse laat-gotiese skilderwerk.

Teen omtrent 1405 was Gentile da Fabriano in Venesië werksaam. Hy het 'n paneel vir die kerk van Santa Sofia , nou verlore; geskilder. Jacopo Bellini was miskien in sy werkswinkel werksaam. Tussen 1408 en 1409 het hy 'n fresko (nou verlore) in die Doge se Paleis geskilder wat die seeslag tussen die Venesiaanse vloot en Otto III se magte uitbeeld. In Venesië was hy bekend met Pisanello en miskien ook Michelino da Besozzo. Hy het ook aan versoeke deur ander stede gedurende die tydperk gewerk, soos byvoorbeeld sy Madonna en Kind vir 'n kerk in Perugia.

Uit die tydperk van 1410–1412 kom een van sy eerste meesterwerke, die Valle Romita Poliptiek (nou by die Pinacoteca di Brera). In 1410–1411 was hy by Foligno teenwoordig waar hy die fresko-werk vir die Palazzo Trinci gedoen het. In 1414 het hy na Brescia getrek en in diens van Pandolfo III Malatesta gestaan. Hier het hy die Broletto Kapel geskilder, 'n werk wat nou meestal verlore is. In die lente van 1420 was hy weer in Fabriano.

Kroning van die Maagd

Op 6 Augustus 1420 was hy in Florence waar hy sy bekende altaarstuk geskilder het wat die Aanbidding van die Magi uitbeeld (1423), welke werk hom nou in die Uffizi bevind en beskou word as een van die meesterstukke van die Internasionale Gotiese Styl. Sy ander werke in Florence sluit die Quaratesi Poliptiek (Mei 1425) in. In Junie–Augustus 1425 was de Fabriano in die Republiek van Siena teenwoordig waar hy 'n Madonna met Kind, nou verlore, vir die Palazzo dei Notai op Piazza del Campo geskilder het. Hy was tot Oktober in Orvieto, waar hy sy fresko van die Madonna en Kind in die Orvieto-katedraal geskilder het. In 1427 het hy in Rome gearriveer waar hy deur Pous Martinus V opdrag gegee is om die skip van die Basilika van Sint Johannes in Lateraan te dekoreer, welke werk later na de Fabriano se dood deur Pisanello voltooi is.

Dit word vermoed dat Gentile voor 14 Oktober 1427 gesterf het. Daar word oor die algemeen geglo dat hy in die kerk wat nou bekend staan as S. Francesca Romana in Florence begrawe is, maar sy tombe het verdwyn. Daar bestaan egter bewyse dat hy in die kerk van Santa Maria in Trastevere, in Rome begrawe mag wees, te wete sy sterfplek.

Hy het geen werk in die Marche nagelaat nie, behalwe miskien 'n Madonna en Kind (van onsekere bydrae) in die Duomo by Sant'Angelo in Vado, naby Urbino. Hy het ook een skildery in Venesië agtergelaat.

Verwysings[wysig | wysig bron]

Bronne[wysig | wysig bron]

  • Mack, Rosamond E. (2001). Bazaar to Piazza: Islamic Trade and Italian Art, 1300–1600. University of California Press. ISBN 0-520-22131-1. 
  • Gentile da Fabriano e l'altro Rinascimento, catalogo della mostra (in Italiaans). Fabriano: Electa. 2006.  Uitstalling van 21 April–23 July 2006.
  • Marcelli, Fabio (2005). Gentile da Fabriano (in Italiaans). Silvana. 
  • De Marchi, Andrea (1992). Gentile da Fabriano. Un viaggio nella pittura italiana alla fine del gotico (in Italiaans). Federico Motta (published 2006). 

Notas[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.

Eksterne skakels[wysig | wysig bron]