Godfrey Lagden

in Wikipedia, die vrye ensiklopedie
Jump to navigation Jump to search
Godfrey Yeatman Lagden, 1901

Sir Godfrey Yeatman Lagden KCMG KBE (1 September 1851 – 26 Junie 1934) was 'n Britse koloniale administrateur in Afrika.

Lagden is in Yetminster, Dorset, gebore as die seun van dominee Richard Dowse Lagden van Balsham House, Cambridgeshire en het skoolgegaan by Sherborne School. Hy het by die Britse staatsdiens aangesluit as 'n klerk in die Hoofposkantoor van 1869 tot 1877, voor hy besluit het om na Suid-Afrika te verhuis. [1]

Loopbaan in Afrika[wysig | wysig bron]

Hy is aan die Suid-Afrikaanse Hoë Kommissaris sir Henry Bartle Frere voorgestel wat hom na die Transvaalse Republiek gestuur het wat pas deur sir Theophilus Shepstone geannekseer is. Daar het hy aanvanklik op die uitvoerende raad gedien.

Tydens die Tweede Vryheidsoorlog, wat in 1899 uitgebreek het, het Lagden alles in sy vermoë gedoen om Basoetoland neutraal te hou en te verseker dat die oorlog nie swart soldate betrek nie. Nadat hy 'n mag van 10 000 Basotho's op die been gebring het, het hy geweier om hul te gebruik om die ontsetting van Wepener te verseker anders as om te waak oor die Cape Mounted Rifles, wat deur Boeremagte beleër is totdat hulle deur ander Britse eenhede ontset is.

In 1901 is hy as kommissaris van naturellesake aangestel deur lord Milner in die Transvaalse kolonie, toe onder Britse beheer, en was ook 'n lid van die uitvoerende en wetgewende rade daarvan. Gedurende 1903 tot 1905 was hy voorsitter van die Suid-Afrikaanse Naturellesakekommissie en het getuienis van regoor Suid-Afrika en Rhodesië aangehoor. 

Latere lewe[wysig | wysig bron]

Hy het in 1907 afgetree nadat die Transvaalse Kolonie selfregering verkry het en na Weybridge in Engeland teruggekeer. Hy het op verskeie openbare liggame gedien, insluitend die Royal Colonial Institute waarvan hy sekretaris en later vise-president was, waar hy tot 1923 gedien het.

Lagden het soms krieket gespeel, insluitende een eersterangse krieketwedstryd vir Marylebone Krieketklub (MCC) toe die span Suid-Afrika in 1906 besoek het.[2]

Verwysings[wysig | wysig bron]

  1. "Sir Godfrey Lagden". The Times (Londen, Engeland). No. 46791. 27 Junie 1934 – via Gale.
  2. CricketArchive profiel van Godfrey Lagden