Hangende Tuine van Babilon

in Wikipedia, die vrye ensiklopedie
Jump to navigation Jump to search
Dié handgemaakte graveerwerk, vermoedelik uit 19de eeu ná die eerste uitgrawings van Assiriese stede, beeld die Hangende Tuin uit, met die Toring van Babel op die agtergrond.

Die Hangende Tuine van Babilon was een van die sewe wonders van die antieke wêreld wat in Hellenistiese Griekeland genoem is. Hulle is beskryf as ’n merkwaardige ingenieursprestasie met ’n reeks oplopende vlakke met tuine wat ’n groot verskeidenheid bome, struike en wingerde bevat het; dit het gelyk soos ’n groot, groen berg wat van modderstene gemaak is. Dit is glo in die antieke stad Babilon, in die hededaagse Irak, gebou.

Die naam van die Hangende Tuin kom van die Griekse woord kremastós (κρεμαστός, "oorhangend"), wat ’n breër betekenis as die Afrikaanse woord "hangend" het en verwys na bome wat op ’n hoë oppervlak soos ’n terras gebou is.[1][2][3]

Legendes[wysig | wysig bron]

Volgens een legende het koning Nebukadnesar II (wat van 605 v.C. tot 562 v.C. regeer het) die tuin langs ’n groot paleis laat bou vir sy vrou, koningin Amitis, wat van Medië afkomstig was en die groen heuwels en valleie van haar vaderland gemis het. Dit is vertel deur ’n Babiloniese priester, Berossus, wat in omstreeks 290 v.C. geskryf het, en hy is later deur Josephus aangehaal. Die bou van die tuin word ook soms toegeskryf aan die legendariese koningin Semiramis, wat glo in die 9de eeu v.C. oor Babilon regeer het,[4] en daarom is die alternatiewe naam die "Hangende Tuin van Semiramis".[5]

Die Hangende Tuin is die enigste van die klassieke wonders waarvan die ligging nie vir seker vasgestel is nie.[6] Daar is geen bestaande Babiloniese tekste oor die tuin nie en geen argeologiese bewyse daarvoor is in Babilon gekry nie.[7][8] Drie teorieë bestaan oor hoekom dit so is: Eerstens, dit is ’n blote mite en die beskrywings daarvan in antieke Griekse en Romeinse geskrifte (insluitende dié van Strabo en Diodorus) verteenwoordig ’n romantiese ideaal van ’n oostelike tuin;[9] tweedens, dit het in Babilon bestaan, maar is iewers in die 1ste eeu n.C. heeltemal vernietig;[10][4] en derdens, die legende verwys na ’n goed opgetekende tuin wat die Assiriese koning Sanherib in sy hoofstad, Nineve, aan die Tigrisrivier naby die moderne stad Mosoel, laat bou het.[11][1]

Verwysings[wysig | wysig bron]

  1. 1,0 1,1 Stephanie Dalley (1993). "Ancient Mesopotamian Gardens and the Identification of the Hanging Gardens of Babylon Resolved". Garden History. 21 (1): 7. JSTOR 1587050.
  2. Reade, Julian (2000). "Alexander the Great and the Hanging Gardens of Babylon". Irak. 62: 195–217. doi:10.2307/4200490. ISSN 0021-0889. JSTOR 4200490.
  3. Foster, Karen Polinger (2004). "The Hanging Gardens of Nineveh". Iraq. 66: 207–220. doi:10.2307/4200575. ISSN 0021-0889. JSTOR 4200575.
  4. 4,0 4,1 "The Hanging Gardens of Babylon". Besoek op 5 Februarie 2014.
  5. Cartwright M (July 2018). "Hanging Gardens of Babylon". Ancient History Encyclopedia.  
  6. Finkel, Irving (1988). "The Hanging Gardens of Babylon". In Clayton, Peter; Price, Martin (reds.). The Seven Wonders of the Ancient World. New York: Routledge. pp. 38 ff. ISBN 0-415-05036-7.
  7. Finkel (1988) p. 58.
  8. Finkel, Irving; Seymour, Michael (2008). Babylon: City of Wonders. London: British Museum Press. p. 52. ISBN 978-0-7141-1171-1.
  9. Finkel 2008
  10. "The Hanging Gardens of Babylon". Besoek op 5 Februarie 2014.
  11. Dalley, Stephanie (2013). The Mystery of the Hanging Garden of Babylon: an elusive World Wonder traced. Oxford University Press. ISBN 978-0-19-966226-5.

Skakels[wysig | wysig bron]