Heiligendamm

in Wikipedia, die vrye ensiklopedie
Spring na: navigasie, soek
Heiligendamm
Die Grand Hotel Kempinski
Die Grand Hotel Kempinski
Ligging van Heiligendamm op 'n kaart (Duitsland)
Heiligendamm
Heiligendamm
Koördinate: 54°9′0″N 11°50′0″O
Land Vlag van Duitsland Duitsland
Deelstaat Mecklenburg-Voorpommere
Munisipaliteit Bad Doberan
Stigting 1793
Hoogte m (10 vt)
Bevolking (15 Augustus 2007)
 - Dorpsdeel 3 000
Tydsone MET (UTC+1:00)
 - Somer (DST) MEST (UTC+2:00)
Poskode 18209
Skakelkode(s) 038203
Webwerf: www.heiligendamm.de

Heiligendamm, 'n strandoord in die Mecklenburgse Baai van die Oossee, is 'n stadsbuurt van Bad Doberan, 'n stad in die Duitse deelstaat Mecklenburg-Voorpommere.

Heiligendamm is die oudste strandoord in Duitsland en word vanweë sy spierwit huise langs die strand ook die "Wit Stad aan die See" genoem. Dit het danksy die spitsberaad van die G8-state, wat hier in Junie 2007 plaasgevind het, internasionale bekendheid verwerf.

Geskiedenis[wysig]

Die kasteel Hohenzollern wat vandag deel uitmaak van die Grand Hotel Kempinski.

Die naam van Heiligendamm is afgelei van 'n groot steenhoop - die oorblyfsel van 'n morene uit die Ystydperk, wat later deur die see blootgelê is. Volgens 'n ou legende is die stene na aanleiding van die gebede van Sistersiënser-monnike deur die Oossee opgehoop.

Die eerste baaier, wat die dorp tot 'n strandoord laat uitbou het, was groothertog Frederik Frans I van Mecklenburg in 1793. Hy is deur sy arts aangeraai om 'n sanatorium aan die see te laat oprig. Die dorp is nog sowat tagtig jaar lank deur die vorstehuis beheer, en 'n gedenksteen herinner vandag aan die stigter van Heiligendamm.

Die argitekte Johann Christoph Heinrich von Seydewitz, Carl Theodor Severin en Georg Adolph Demmler het in die tydperk tussen 1793 en 1870 die strandoord in die klassisistiese boustyl ontwerp, wat sedert sy stigting as die pragtigste in Duitsland beskou word.