Groep van Agt

in Wikipedia, die vrye ensiklopedie
Spring na: navigasie, soek
Die lidstate van die Groep van Agt (G8) en hulle verteenwoordigers tydens spitsberade.
Groep van Agt
Die lidstate van die G8, die G8+5, die G15, die G20 en die G33.
Wêreldkaart met G-lande
Flag of Germany.svg Duitsland – Bondskanselier Angela Merkel
Flag of France.svg Frankryk – President François Hollande
Flag of Italy.svg Italië – Eerste Minister Enrico Letta
Flag of Japan.svg Japan – Eerste Minister Shinzō Abe
Flag of Canada.svg Kanada – Eerste Minister Stephen Harper
Flag of Russia.svg Rusland – President Wladimir Poetin
Flag of the United Kingdom.svg Verenigde Koninkryk – Eerste Minister David Cameron
Flag of the United States.svg Verenigde State – President Barack Obama

Die Groep van Agt (G8) is 'n internasionale forum vir die regerings van die sewe grootste ekonomieë ter wêreld - Duitsland, Frankryk, Italië, Kanada (sedert 1976), die Verenigde Koninkryk en die Verenigde State, asook die Russiese Federasie (sedert 1994). Die groep het geen vaste organisasiestruktuur nie - die regeringshoofde van die lidstate vergader gereeld vir hul informele jaarlikse spitsberaad oor internasionale ekonomiese en politieke vraagstukke, terwyl daar op laer vlak dwarsdeur die jaar ook konferensies gehou en politieke navorsing gedoen word.

Die Europese Gemeenskap (sedert 1993 die Europese Unie) neem sedert 1977 aan die spitsberade deel en word deur die Europese Kommissie en die land, wat op dié tydstip die roterende presidentskap van die Europese Unie beklee, verteenwoordig.

Die forum het hom aanvanklik op die koördinasie van die lidstate se ekonomiese beleid toegespits, maar het later ook begin om internasionale vraagstukke soos die stryd teen armoede in die ontwikkelende lande, werkloosheid, die stryd teen misdaad en terrorisme en die proliferasie van massavernietigingswapens te behandel.

Die eerste internasionale ekonomiese spitsberaad van die (destyds ses) leidende nywerheidslande het in 1975 as G6-spitsberaad op inisiatief van die Franse regering in die kasteel van Rambouillet (Frankryk) plaasgevind.

Geskiedenis[wysig]

Die konsep van 'n forum vir die leiers van die grootste nywerheidslande dateer uit die tydperk kort ná die oliekrisis van die jaar 1973 en die wêreldwye ressesie wat daarop gevolg het. Die Verenigde State het in 1974 die sogenaamde Library Group gestig, 'n informele vergadering van senior amptenare uit die Departemente van Finansies van die VSA, die Verenigde Koninkryk, Wes-Duitsland en Japan.

Die Franse president Valéry Giscard d'Estaing het die regeringshoofde van Wes-Duitsland, Italië, Japan, die Verenigde Koninkryk en die Verenigde State in 1975 vir 'n spitsberaad na die Franse kasteel van Rambouillet uitgenooi. Die ses regeringsleiers het ingestem om jaarliks onder 'n roterende presidentskap te vergader en sodoende die Groep van Ses (G6) gevorm. Kanada het in die volgende jaar op versoek van die destydse Amerikaanse president Gerald Ford by die G6 aangesluit, wat nou as die G7 bekend gestaan het.

Die Europese Unie is vir die eerste keer vir die spitsberaad van die jaar 1977 uitgenooi en het sindsdien elke jaar deelgeneem.

Nadat die Sowjetunie met die einde van die Koue Oorlog in 1991 ontbind is, het amptenare van die Russiese Federasie ná die hoofvergadering van die 20ste G7-spitsberaad van 1994 in Napels (Italië) vir 'n afsonderlike vergadering met die Westerse regeringshoofde byeengekom. Hierdie groep is die Politieke 8 (P8) of "G7 plus 1" genoem. Die Russiese Federasie het op versoek van die Amerikaanse president Bill Clinton in 1997 formeel by die groep aangesluit en sodoende die Groep van Agt (G8) geskep. President Clinton het hiermee veral sy waardering aan die Russiese president Boris Jeltsin en sy vasbeslote beleid van ekonomiese hervorming en neutraliteit teenoor die NAVO se uitbreiding na Oos-Europa betoon.

Lys van die Groep van Agt-spitsberade[wysig]

Nommer Jaar Plek Land
1 1975 Rambouillet Vlag van Frankryk Frankryk
2 1976 San Juan Vlag van Verenigde State Verenigde State
3 1977 Londen Vlag van Verenigde Koninkryk Verenigde Koninkryk
4 1978 Bonn Vlag van Wes-Duitsland Wes-Duitsland
5 1979 Tokio Vlag van Japan Japan
6 1980 Venesië Vlag van Italië Italië
7 1981 Ottawa Vlag van Kanada Kanada
8 1982 Versailles Vlag van Frankryk Frankryk
9 1983 Williamsburg Vlag van Verenigde State Verenigde State
10 1984 Londen Vlag van Verenigde Koninkryk Verenigde Koninkryk
11 1985 Bonn Vlag van Wes-Duitsland Wes-Duitsland
12 1986 Tokio Vlag van Japan Japan
13 1987 Venesië Vlag van Italië Italië
14 1988 Toronto Vlag van Kanada Kanada
15 1989 Parys Vlag van Frankryk Frankryk
16 1990 Houston Vlag van Verenigde State Verenigde State
17 1991 Londen Vlag van Verenigde Koninkryk Verenigde Koninkryk
18 1992 München Vlag van Duitsland Duitsland
19 1993 Tokio Vlag van Japan Japan
20 1994 Napels Vlag van Italië Italië
21 1995 Halifax Vlag van Kanada Kanada
22 1996 Lyon Vlag van Frankryk Frankryk
23 1997 Denver Vlag van Verenigde State Verenigde State
24 1998 Birmingham Vlag van Verenigde Koninkryk Verenigde Koninkryk
25 1999 Keulen Vlag van Duitsland Duitsland
26 2000 Okinawa Vlag van Japan Japan
27 2001 Genua Vlag van Italië Italië
28 2002 Kananaskis Vlag van Kanada Kanada
29 2003 Évian-les-Bains Vlag van Frankryk Frankryk
30 2004 Sea Island Vlag van Verenigde State Verenigde State
31 2005 Gleneagles Vlag van Verenigde Koninkryk Verenigde Koninkryk
32 2006 Sint Petersburg Vlag van Rusland Rusland
33 2007 Heiligendamm Vlag van Duitsland Duitsland
34 2008 Tōyako Vlag van Japan Japan
35 2009 L’Aquila Vlag van Italië Italië
36 2010 Huntsville Vlag van Kanada Kanada
37 2011 Deauville Vlag van Frankryk Frankryk
38 2012 Camp David Vlag van Verenigde State Verenigde State
39 2013 Lough Erne, Fermanagh Vlag van Verenigde Koninkryk Verenigde Koninkryk
40 2014 Sotsji Vlag van Rusland Rusland
41 2015 Vlag van Duitsland Duitsland
42 2016 Vlag van Japan Japan
43 2017 Vlag van Italië Italië
44 2018 Vlag van Kanada Kanada

Hoofonderwerpe[wysig]

Die G8-spitsberade is veral gekenmerk deur die geleidelike uitbreiding van hulle agenda's. Terwyl hulle in die 1970's nog deur ekonomiese vraagstukke oorheers is, het ook die internasionale politiek in die 1980's meer aandag gekry. In die negentigerjare het dit saam met kwelvrae soos die bestryding van terrorisme tot die hoofonderwerp van die spitsberade ontwikkel.

Belangrike statistieke gegewens[wysig]

Land Bevolking (miljoen) BGP per capita (VSA-$) in 2006 Jaarlikse storting van CO2 per capita in ton (2003) Uitvoere in 2006 (miljard VSA-$)
Verenigde State 301,1 43 500 19,9 1 037
Kanada 33,4 35 200 17,2 388
Rusland 141,4 12 100 10,9 305
Duitsland 82,4 31 400 10,5 1 112
Japan 127,4 33 100 9,9 647
Verenigde Koninkryk 60,8 31 400 9,3 443
Italië 58,1 29 700 8,1 410
Frankryk 63,7 30 100 6,6 490

(Bronne: afp, dpa, World Factbook, Resources Institute; uit: Berliner Morgenpost, 6 Junie 2007)

Eksterne skakels[wysig]

Commons-logo.svg
Wikimedia Commons het meer media verwant aan:
Groep van Agt (kategorie)