Henry H. Arnold

in Wikipedia, die vrye ensiklopedie
Jump to navigation Jump to search
Henry H. Arnold
Henry H. Arnold

Generaal Henry H. Arnold tussen 1946 en 1949

Bynaam(e) Hap
Geboortedatum 25 Junie 1886
Geboorteplek Gladwyne, Pennsylvanië
Sterfdatum 15 Januarie 1950
Sterfplek Sonoma, Kalifornië
Lojaliteit Verenigde State
Diens/Tak Amerikaanse Leër
Amerikaanse Lugmag
Jare in diens 1907-1947 (Leër)
1947-1950 (Lugmag)
Rang 5-ster Generaal
Veldslae/oorloë Eerste Wêreldoorlog
Tweede Wêreldoorlog
Toekennings Army Distinguished Service Medal (3)
Legion of Merit
Distinguished Flying Cross
Air Medal
Familie Eleanor (eggenote)

Henry Harley "Hap" Arnold (25 Junie 1886 - 15 Januarie 1950) was 'n Amerikaanse generaal in beide die Amerikaanse Leër en Amerikaanse Lugmag. Arnold was 'n lugvaartpionier, hoof van die Air Corps (1938–1941), bevelvoerende generaal van die United States Army Air Forces, die enigste Amerikaanse lugmag generaal wat 'n vyfster-rang beklee het, en die enigste offisier wat 'n vyfster-rang beklee het in twee verskillende Amerikaanse militêre dienste. Arnold was ook die stigter van Project RAND, wat ontwikkel het tot een van die grootste nie-winsgewende wêreldbeleide dinkskrums, die RAND Korporasie, en een van die stigterslede van Pan American World Airways.

Hy is opgelei in die vliegkuns deur die Wright Brothers, was een van die eerste militêre vlieëniers wêreldwyd en een van die eerste drie gesertifiseerde vlieëniers in die geskiedenis van die Amerikaanse Lugmag. Hy het sy vrees vir vlieg te bowe gekom met al sy wedervaringe in die vroeë dae van lugvaart, toesig gehou oor die uitbreiding van die lugmag gedurende die Eerste Wêreldoorlog en 'n protégé geword van generaal Billy Mitchell.

Arnold was net voor die Amerikaanse toetrede tot die Tweede Wêreldoorlog aangestel as bevelvoerder van die United States Army Air Forces en het die honderdvoudige uitbreiding van 'n organisasie van net meer as 20 000 man en 800 eerste-linie vegvliegtuie na die grootste en magtigste lugmag in die wêreld gelei. Hy was 'n voorstander van tegnologiese navorsing en ontwikkeling. Gedurende sy ampstermyn het hy die ontwikkeling van die interkontinentale bomwerper, die straalvliegtuig, die uitgebreide gebruik van radar, uitbreiding van wêreldwye lugvaart en atoomoorlogvoering as steunpilare van die moderne lugmag deurgesien.

Arnold se mees gebruikte bynaam, Hap, kort vir happy, moontlik toegeken deur kollegas wat saam met hom in Oktober 1911 aan 'n stilfilm gewerk het, waar hy as waaghalsvlieënier verskyn het, of deur sy vrou, wat in 1931 die bynaam in haar korrespondensie begin gebruik het na die dood van Arnold se ma. Hy is in sy jeug deur sy familie Harley en deur beide sy moeder en vrou 'Sunny' genoem. Arnold was onder sy West Point-klasmaats bekend as 'Pewt' of 'Benny'. Sy onmiddellike ondergeskiktes en personeel van die hoofkantoor het na hom verwys as 'Die baas'.

Eksterne skakels[wysig | wysig bron]