Hillsdale Kollege

in Wikipedia, die vrye ensiklopedie
Jump to navigation Jump to search
Hillsdale Kollege

Leuse:Virtus Tentamine Gaudet
President:Larry P. Arnn
Provoos:Christopher VanOrman
Fakulteite:124 voltyds, 48 adjunk[1]
Ligging:Hillsdale, Michigan, Verenigde State
Kampus:Landelik, 400 akker (84 geboue)[2]
Kleure:Blou en wit         
Die kollege se ingangshek

Hillsdale College is 'n private kollege (universiteit) wat geleë is in Hillsdale, Michigan. Dit is in 1844 gestig deur 'n groep voorstanders van die afskaffing van slawerny wat bekendgestaan het as die "Free Will Baptists". Dit bied 'n vrye kunste kurrikulum aan wat gebaseer is op die Westerse erfenis as 'n produk van beide die Grieks-Romeinse kultuur en die Joods-Christelike tradisie.[3] Hillsdale verwag dat elke student, afsonderlik van die betrokke student se hoofvak(ke), 'n kern-kurrikulum voltooi wat kursusse insluit oor die Groot Boeke, die Grondwet van die Verenigde State, biologie, chemie en fisika.[4]

Hillsdale is reeds sedert die einde van die 20ste eeu deel van 'n klein groepie kolleges in die VSA wat nie enige regeringshulp hoegenaamd ontvang nie, ten einde enige afdwinging van federale regstellende aksie-beleid te vermy. In pleks hiervan is die private kollege geheel en al aangewese op private befondsing. [4]

Geskiedenis[wysig | wysig bron]

Oprigting en grondlegging[wysig | wysig bron]

In Augustus 1844 het lede van die plaaslike gemeenskap van "Free Will Baptiste" besluit op die organisering van die denominasie se eerste kollege.[5]:4 Nadat hulle skenkings bekom het, het hulle op 4 Desember 1844 die Michigan Central College in Spring Arbor, Michigan, gestig.[5]:6 Dié ligging is nou die tuiste van Spring Arbor University. Alhoewel die kollege godsdienstig verbonde is, is die kollege amptelike nie-sektaries.[6]

Onder die eerste president, Daniel McBride Graham, wat van 1844 tot 1848 aan die hoof van die instelling gestaan het, maak Michigan Central College sy deure oop met 'n stoor bestaande uit twee kamers en vyf studente. In Maart 1845 inkorporeer die regering van Michigan die kollege. Teen die einde van die eerste jaar was daar 25 voorgraadse studente aan die kollege ingeskryf.[7]:12[8][5]:11

Edmund Burke Fairfield het in 1848 die presidentskap van die Michigan Central College oorgeneem. Op 20 Maart 1850 het die Michigan wetgewer aan die kollege die reg verleen om grade toe te ken.[7]:12–14[5]:116 Die kollege het die tweede skool in Amerika geword wat vrye kunste-grade met 'n duur van vier jaar aan vroumense toegeken het. [9][7]:12–14

Die kollege het mettertyd in so 'n mate gegroei dat dit in 1853 na Hillsdale, Michigan verhuis het, deels om toegang te hê tot die treinspoor wat die stad bedien het. Dit het aansienlike finansiële ondersteuning van die plaaslike inwoners, wat die 20-jaar oue dorp wou ontwikkel, ontvang.[7]:30 Die hoeksteen van die nuwe gebou, Central Hall, is op 4 Julie 1853 gelê.[10][5]:24 Nadat Michigan Central College se konstruksie en die skuif na die nuwe terrein voltooi is, het die kollege op 7 November 1855 sy deure oopgemaak as Hillsdale Kollege.

Fairfield het Hillsdale van 1848 tot 1869 gelei.[8] Gedurende sy presidentskap het hy bygedra tot die stigting van die Republikeinse Party saam met Ransom Dunn, in naburige Jackson, Michigan.[11] Fairfield was 'n prominente leier en het die eerste konvensie van die Republikeinse Party in 1858 bygewoon. Hy is verkies as luitenant-goewerneur van Michigan. Hillsdale se vroeë reputasie as 'n anti-slawerny instelling en die rigtinggewende rol van dié kollege in die oprigting van die Republikeinse Party het daartoe gelei dat verskeie noemenswaardige sprekers na die kampus genooi is, insluitende Frederick Douglass (wat die skool tydens twee aparte geleenthede besoek het) en Edward Everett, die orator wat Abraham Lincoln voorafgegaan het by Gettysburg, Pennsilvanië.[7]:xxv, 49 Die kollege het op 8 Augustus 1860 sy eerste grade toegeken. Op 20 Maart 1863 het die wetgewer van Michigan Hillsdale se ligging- en naamsverandering formeel gewettig.[5]:33

Hillsdale Kollege is nie meer geaffilieer met enige denominasie nie, maar die kollege se webwerf vermeld as volg: "the moral tenets of Christianity as commonly understood in the Christian tradition have been essential to the mission of the College".[12]

Kampus[wysig | wysig bron]

Die Delp-saal en Liberty Walk, oorkant Central Hall

Hillsdale se kampus, wat 200 akker beslaan, bevat verskeie instruksie- en kantoorgeboue, asook 13 residensiële sale, sewe "fraternity" en "sorority" huise, 'n atletiese kompleks, musieksaal, 'n kunste-, konferensie- en voorskoolse sentrum asook 'n hotel. Hillsdale Kollege bedryf ook die Hillsdale Academy, 'n private K–12 vrye kunsteskool.[13]

Die Richardson Erfenis-kamer, wat gehuisves word in die Mossey-biblioteek

Hillsdale College is gekies om die persoonlike biblioteek van die ekonoom van die Oostenrykse Skool, Ludwig von Mises, na sy dood te ontvang; die versameling werke word gehuisves in die Ludwig von Mises-kamer in die Mossey-biblioteek van die kollege. Die Mossey-biblioteek bevat ook versamelings van die werke van Russell Kirk en Richard Weaver, en is die tuiste van die Richardson Erfenis-kamer van die kollege. Die Erfenis-kamer is in 1994 gebou en bevat verskeie eerste drukke van boeke en skaars bundels, sowel as beeldhouwerke, skilderye en geskiedkundige artefakte.[14]

Die kollege se Slayton Arboretum is amptelik in 1922 geskep toe George A. Slayton en sy vrou 14 akker grond aan die kollege geskenk het. Die arboretum is in die vooruitsig gestel as 'n buitelug laboratorium en veldstasie vir studente en as 'n tuin vir die gemeenskap. Die aanvanklike aanplanting is verrig met plante wat geskenk is en met die arbeid van Hillsdale-studente en ander vrywilligers. In 1939 is Slayton Arboretum as een van Michigan se interessante plekke gelys en het tot 700 mense per dag die webwerf besoek.

Die kampus beskik oor die Liberty Walk, 'n loopbrug met bronsafbeeldings van beroemde staatsmanne. Dit sluit in George Washington, Thomas Jefferson, James Madison, Abraham Lincoln, Frederick Douglass, Winston Churchill, Margaret Thatcher , en Ronald Reagan. Reagan se standbeeld is op 7 Oktober 2011, die eeufees van sy geboorte, ingehuldig. Reagan het in 1977 die kollege besoek en gekonstateer: "Hillsdale verdien die waardering van almal wat werk vir vryheid." [15] Op 12 Mei 2017 het die kollege die Douglass-standbeeld ingehuldig, reg oorkant Lincoln se standbeeld. Douglass was in 1863 'n gas aan die kollege (tydens die Burgeroorlog), waar hy 'n toespraak gelewer het getiteld "Popular Error and Unpopular Truth". [16] Madison se standbeeld is op 22 September 2020 ingehuldig. [17]

Noemenswaardige mense[wysig | wysig bron]

Noemenswaardige alumni[wysig | wysig bron]

Bion J. Arnold
Joseph Cella, Ambassadeur tot Fiji
Chris Chocola, voormalige lid van die Huis van Verteenwoordigers van die VSA
Elizebeth Friedman
Washington Gardner
Moses A. Luce

Politiek en die Reg[wysig | wysig bron]

  • E. Ross Adair (1929), lid van die Huis van Verteenwoordigers van die VSA uit Indiana
  • Chester Hardy Aldrich (1888), Goewerneur van Nebraska en regter van die Hooggeregshof van Nebraska[18]
  • Joseph Cella (1991), Ambassadeur tot Fiji vir die VSA[19]
  • Chris Chocola (1984), lid van die Huis van Verteenwoordigers vir Indiana se 2de kiesafdeling en President van die Club for Growth[20]
  • Cyrus Cline (1876), lid van die Huis van Verteenwoordigers van die VSA uit Indiana
  • David L. Cornwell (1964), lid van die Huis van Verteenwoordigers van die VSA uit Indiana
  • Dan Crane (1958), lid van die Huis van Verteenwoordigers vir Illinois se 22ste en 19de kiesafdelings
  • Phil Crane (1952), lid van die Huis van Verteenwoordigers vir Illinois se 8ste kiesafdeling
  • Robert William Davis (1952), lid van die Huis van Verteenwoordigers vir Michigan se 11de kiesafdeling
  • Solomon Robert Dresser (1865), lid van die Huis van Verteenwoordigers vir Pennsilvanië en stigter en president van S.R. Dresser Manufacturing Co., nou Dresser Industries[21]
  • Spencer O. Fisher (c. 1865), lid van die Huis van Verteenwoordigers van die VSA vir Michigan se 10de kiesafdeling
  • Albert J. Hopkins (1870), VSA Senator uit Illinois
  • Henry M. Kimball (c. 1900), lid van die Huis van Verteenwoordigers van die VSA vir Michigan se 3de kiesafdeling
  • Verner Main (1907), lid van die Huis van Verteenwoordigers van die VSA vir Michigan
  • Spencer G. Millard (1877), Luitenant-Goewerneur van Kalifornië
  • Joseph B. Moore (1879), regter verbonde aan die Hooggeregshof van Michigan
  • Tom Morrison (1997), verteenwoordiger vir die 54ste Distrik in die Illinois Algemene Vergadering[22]
  • Aric Nesbitt (2001), lid van die Huis van Verteenwoordigers van Michigan (2011–2017), 66ste distrik en meerderheidsleier;[23] President Pro Tempore of the Michigan State Senate (2019–huidig)
  • Walter H. North (1896), regter verbonde aan die Hooggeregshof van Michigan[24]
  • Jasper Packard (c. 1853), koerantredakteur en verteenwoordiger in die Huis van Verteenwoordigers van die VSA uit Indiana[25]
  • Paul J. Ray, Administrateur van die "Office of Information and Regulatory Affairs"
  • David Viviano (1994), regter verbonde aan die Hooggeregshof van Michigan[26]
  • Beth Walker (1987), regter verbonde aan die Hoogte Hof van Appél van Wes-Virginië
  • Hans Zeiger (2007), skrywer en verteenwoordiger vir die 25ste wetgewende distrik van Washington[27]

Militêre en openbare diens[wysig | wysig bron]

  • Clinton B. Fisk (c. 1844), soldaat tydens die Amerikaanse Burgeroorlog en staatsman, naamgenoot van Fisk University en die presidensiële kandidaat vir die Prohibition Party in 1888[28]
  • Mary Hannah Fulton (1874), mediese sendeling in China
  • Washington Gardner (1870), soldaat tydens die Amerikaanse Burgeroorlog en staatsman[29]
  • Moses A. Luce (1866), prokureur[30]
  • Erik Prince (1992), Navy SEAL en stigter van die Blackwater maatskappy

Wetenskap en ingenieurswese[wysig | wysig bron]

  • Bion J. Arnold, pionier in elektriese ingenieurswese en massa vervoer

Akademiese aangeleenthede[wysig | wysig bron]

  • Manuel Ayau (1973), politikus en stigter van die Universidad Francisco Marroquín[31]
  • Elizebeth Friedman (1910), pionier in kriptologie
  • Peter Leeson (2001), ekonoom[32]
  • Robert P. Murphy (1998), ekonoom en skrywer[33]
  • Gennady Stolyarov II (2008)
  • Robert Page Sims (1897), kollege president

Noemenswaardige fakulteitslede[wysig | wysig bron]

Huidige fakulteitslede[wysig | wysig bron]

  • Michael Anton, voormalige senior nasionale veiligheidsbeampte in die administrasie van President Trump[34]
  • Larry P. Arnn, opvoeder en politieke wetenskaplike[35]
  • Michael Bauman, teoloog[36]
  • Bradley J. Birzer, professor in geskiedenis en die houer van die Russell Amos Kirk Stoel in Amerikaanse Studies.[37]
  • Ronald J. Pestritto, Professor van Politiek.[38]
  • Paul A. Rahe, geskiedkundige
  • Gary L. Wolfram, ekonoom[39]
  • D. G. Hart, geskiedkundige
  • Mollie Hemingway, joernalis[40]
  • David Azerrad, voormalige direkteur en genoot aan die Heritage Stigting[41]

Besoekende fakulteitslede en genote[wysig | wysig bron]

Voormalige fakulteitslede[wysig | wysig bron]

  • John Jay Butler, Free Will Baptiste teoloog
  • Allan C. Carlson, geskiedkundige[44]
  • Ransom Dunn, dekaan en professor emeritus
  • Clark Durant, opvoedkundige, kandidaat vir die Senaat, medestigter van Cornerstone Schools en Imprimis
  • Richard Ebeling, ekonoom van die Oostenrykse Skool[45]
  • Burton Folsom, ekonomiese geskiedkundige[46]
  • Martin Gilbert, amptelike biograaf van Winston Churchill en geskiedkundige[42]
  • Daniel McBride Graham
  • Russell Kirk, konserwatiewe skrywer
  • Madsen Pirie, Britse navorser en vooormalige besoeker in filosofie en logika
  • Muddy Waters[47]

Noemenswaardige administrateurs en Promotors[wysig | wysig bron]

  • Pat Sajak, Wheel of Fortune gasheer, President van die Hillsdale Kollege Raad van Trustees[48]
  • Rush Limbaugh, bekende politieke kommentator en radio omroeper
  • Hugh Hewitt, politieke kommentator
  • Mark Levin, bekende politieke kommentator en radio omroeper

Verwysings[wysig | wysig bron]

  1. "College profile". Hillsdale College website. Hillsdale College. Besoek op 2 September 2015.
  2. "College Profile". Hillsdale College website. Hillsdale College. Besoek op 2 September 2015.
  3. "Mission". Hillsdale College. 2016-03-02.
  4. 4,0 4,1 Eckholm, Erik (1 Februarie 2017). "In Hillsdale College, a 'Shining City on a Hill' for Conservatives". New York Times. Besoek op 9 Julie 2018.
  5. 5,0 5,1 5,2 5,3 5,4 5,5 Moore, Vivian Elsie Lyon (1944). The First Hundred Years of Hillsdale College. Ann Arbor, Mich.: The Ann Arbor Press. OCLC 4819396. 588 pp.
  6. Vedder, Henry Clay (1897). A Short History of the Baptists. American Baptist Publication Society. p. 273. Besoek op 2010-12-23.
  7. 7,0 7,1 7,2 7,3 7,4 Gilbert, Arlan K. (1991). Historic Hillsdale College: Pioneer in Higher Education, 1844–1900. Hillsdale, Mich.: Hillsdale College Press. p. 274. ISBN 978-0916308797. OCLC 24636032.
  8. 8,0 8,1 "Hillsdale College: Past Presidents". Besoek op 2010-12-23.
  9. Irene Harwarth; Mindi Maline; Elizabeth DeBra. "Women's Colleges in the United States: History, Issues, and Challenges". United States Department of Education, National Institute on Postsecondary Education, Libraries, and Lifelong Learning. Geargiveer vanaf die oorspronklike op Junie 14, 2010. Besoek op Desember 23, 2010.
  10. "Archived copy". Geargiveer vanaf die oorspronklike op 17 November 2014. Besoek op 2014-09-18.CS1 maint: archived copy as title (link)
  11. "Dr. E.B. Fairfield Dead" (PDF). New York Times. 19 November 1904.
  12. Guidelines Regarding the Mission and Moral Commitments of Hillsdale College Julie 2010
  13. "Hillsdale Academy". Besoek op 2010-12-23.
  14. "About – Collections – Mossey Library". lib.hillsdale.edu. Besoek op 2016-07-26.
  15. [1] Geargiveer 26 September 2009 op Wayback Machine
  16. @AndrewKingHDN, Andrew King aking@hillsdale.net Twitter. "College unveils statue of Frederick Douglass". Besoek op 4 Oktober 2017.
  17. http://hillsdalecollegian.com/2020/09/college-holds-dedication-for-james-madison-statue /
  18. "Nebraska Governor Chester Hardy Aldrich". National Governors Association. Besoek op 16 September 2012.
  19. "Ambassador Joseph J. Cella". U.S. Embassy in Fiji, Kiribati, Nauru, Tonga, and Tuvalu (in Engels). Besoek op 2020-04-26.
  20. "Why the Club for Growth Is Changing Leadership". www.nationaljournal.com. Besoek op 9 Junie 2015.
  21. "Dresser, Solomon Robert – Biographical Information". congress.gov. Besoek op 9 Junie 2015.
  22. "Illinois State Representative Thomas Morrison". repmorrison54.com. Besoek op 9 Junie 2015.
  23. "Aric Nesbitt, District 66". Michigan House Republicans. 2015-02-05. Geargiveer vanaf die oorspronklike op 1 Desember 2016. Besoek op 9 Junie 2015.
  24. "The Honorable Walter Harper North". University of Michigan Law School. Besoek op 2011-04-13.
  25. Commission, Michigan Historical (1907). Michigan Historical Collections. Volume 6. |volume= has extra text (help)
  26. "David Viviano". ballotpedia.org. Besoek op 9 Junie 2015.
  27. "Hans Zeiger". Washington State House Republicans. Besoek op 9 Junie 2015.
  28. College), Amphictyon Society (Hillsdale (1890). "History of the Amphictyon Society of Hillsdale College, Hillsdale, Michigan". google.com.
  29. "Gardner, Washington – Biographical Information". congress.gov.
  30. "Pvt Moses Augustine Luce". aotw.org.
  31. "Brief Biography". ufm.edu. Geargiveer vanaf die oorspronklike op Junie 19, 2015. Besoek op Junie 9, 2015.
  32. "Peter T. Leeson". Cato Unbound. Besoek op 9 Junie 2015.
  33. "Robert P. Murphy". DeSmogBlog. Besoek op 9 Junie 2015.
  34. "The End of Conservatism and the Rebirth of Politics". Besoek op 29 November 2018.
  35. "Archived copy". Geargiveer vanaf die oorspronklike op 22 Mei 2013. Besoek op 2013-06-05.CS1 maint: archived copy as title (link)
  36. "Archived copy". Geargiveer vanaf die oorspronklike op 28 Mei 2010. Besoek op 2010-02-02.CS1 maint: archived copy as title (link)
  37. "Brad Birzer". Hillsdale College. Besoek op 20 Julie 2018.
  38. "Ronald J. Pestritto". Hillsdale College. Besoek op 18 Februarie 2018.
  39. "Dr. Gary L. Wolfram". mackinac.org. Besoek op 10 Maart 2015.
  40. https://www.washingtonexaminer.com/opinion/how-hillsdale-college-helps-journalism-by-hiring-mollie-hemingway. Ontbrekende of leë |title= (help)
  41. https://www.globenewswire.com/news-release/2019/10/30/1938163/0/en/Hillsdale-College-Welcomes-David-Azerrad-to-Washington-D-C-Campus.html. Ontbrekende of leë |title= (help)
  42. 42,0 42,1 42,2 42,3 42,4 42,5 42,6 "Academics/Programs/Visiting Fellows – Hillsdale College". hillsdale.edu. Besoek op 10 Maart 2015.
  43. "Archived copy". Geargiveer vanaf die oorspronklike op 28 Mei 2010. Besoek op 2010-04-29.CS1 maint: archived copy as title (link)
  44. "Archived copy". Geargiveer vanaf die oorspronklike op 28 Mei 2010. Besoek op 2010-02-02.CS1 maint: archived copy as title (link)
  45. "Archived copy". Geargiveer vanaf die oorspronklike op 12 Junie 2010. Besoek op 2010-04-29.CS1 maint: archived copy as title (link)
  46. "Archived copy". Geargiveer vanaf die oorspronklike op 15 Oktober 2009. Besoek op 2010-02-02.CS1 maint: archived copy as title (link)
  47. "College Football Hall of Fame || Famer Search". Geargiveer vanaf die oorspronklike op 2012-07-24.
  48. https://www.wsj.com/articles/the-conservative-wheelman-1443218583. Ontbrekende of leë |title= (help)

Eksterne skakels[wysig | wysig bron]