James Madison

in Wikipedia, die vrye ensiklopedie
Spring na: navigasie, soek
James Madison
James Madison.jpg
4de President van die Verenigde State
Ampstermyn 4 Maart 18094 Maart 1817
Voorganger Thomas Jefferson
Opvolger James Monroe
Geboortedatum 16 Maart 1751
Geboorteplek Port Conway, Virginië
Sterftedatum 28 Junie 1836
Sterfteplek Montpelier, Virginië
Eerste Dame Dolley Todd Madison
Politieke party Demokratiese Republikein
Visepresident George Clinton (1809–1812)
geen (1812–1813)
Elbridge Gerry (1813–1814)
geen (1814–1817)
Handtekening James Madison sig.svg

James Madison (* 16 Maart 1751, † 28 Junie 1836) was 'n Amerikaanse politikus en politieke filosoof wat tussen 1809 en 1817 die amp van President van die Verenigde State beklee het; hy was die vierde president. Hy word daarnaas as een van die Stigtingsvaders van die Verenigde State beskou. Tydens sy ampstermyn het Louisiana (30 April 1812) en Indiana (11 Desember 1816) die 18de en 19de deelstate van die Verenigde State van Amerika geword.

Madison het die belangrikste bydrae tot die Amerikaanse grondwet gelewer sodat na hom dikwels as die "Vader van die Grondwet" verwys word. In 1788 het hy meer as 'n derde van die Federalist Papers geskryf, 'n invloedryke kommentaar op die Amerikaanse grondwet.

Madison was die eerste president wat as afgevaardigde vir die Amerikaanse Kongres verkies is. Hy was 'n leier in die 1ste Kongres van die Verenigde State waar hy talle basiese wette ontwerp het en ook verantwoordelik was vir die eerste tien wysigings van die grondwet (wat na bewering op Virginië se Verklaring van Menseregte gebaseer was). Derhalwe staan hy ook bekend as die "Vader van die Bill of Rights". As 'n politieke teoretikus het hy veral die oortuiging aangehang dat die nuwe republiek die regte van individue deur middel van wigte en teenwigte (checks and balances) teen 'n moontlike tirannie van die meerderheid moes beskerm.

As 'n leier in die Huis van Afgevaardigdes (House of Representatives) het Madison by die organisering van die nuwe federale regering nou saamgewerk met George Washington.